16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Իոաննիսյանն ահազանգում է․ Կոտայքի մարզպետը մի խումբ կուսակիցների հետ «Հանրապետություն» կուսակցության շտաբում քաշքշուկ է հրահրել
Հասարակություն
02.12.2021 | 16:40
«Իրազեկ քաղաքացիների միավորում» ՀԿ ղեկավար Դանիել Իոաննիսյանը ֆեյսբուքյան իր էջում հայտնել է, որ «Անկախ դիտորդ» դաշինքը հանցագործության մասին հաղորդում է պատրաստում ներկայացնել Դատախազություն։ Ըստ Իոաննիսյանի՝ երկու օր առաջ Գառնիում Կոտայքի մարզպետը և «Քաղաքացիական պայմանագիր» կուսակցության մի խումբ ներկայացուցիչներ ներխուժել են «Հանրապետություն» կուսակցության շտաբ և հայհոյախառը քաշքշուկ կազմակերպել։
«Քաղաքական ուժերի, և, առավել ևս, իշխանության մտքով անգամ չպետք է անցնի քաղաքական հարցերը բռնությամբ լուծելը: Գառնիի բռնությունը օգոստոսին Ազգային Ժողովում ՔՊ-ի կազմակերպած բռնության անհետևանք մնալու պտուղներն են»,- գրառումն ավարտել էր «Անկախ դիտորդ» դաշինքի ներկայացուցիչը։
Factor.am-ը փորձեց միջադեպի այլ մանրամասներ ճշտել Իոսաննիսյանից, սակայն վերջինս հրաժարվեց հավելյալ տեղեկատվություն տալ՝ հորդորելով դիմել միջադեպի մասնակիցներին։ «Հանրապետություն» կուսակցության Գառնիի շտաբի անդամ Արամ Խաչատրյանը վրդովվեց մեր հարցերից, ապա հրաժարվեց մանրամասներ ներկայացնել, պատճառաբանելով, որ այդ պահին շտաբում չի եղել։
Կոտայքի մարզպետ Ահարոն Սահակյանն էլ արձակուրդում է։ Հատկանշանակ է, որ, դեպքը, ըստ Իոաննիսյանի՝ պատահել է նոյեմբերի 30-ին՝ մարզպետի արձակուրդի մեջ գտնվելու երկրորդ օրը։
Ռոզա Վարդանյան
