25.06.2026 | 19:40
ԵԽԽՎ-ն Վրաստանում ժողովրդավարության նահանջի վերաբերյալ քննադատական բանաձև է ընդունել
Սայաթ Շիրինյանի նկատմամբ ընտրված խափանման միջոցը վերացվեց
Հասարակություն
02.12.2021 | 16:10
Երևան քաղաքի ընդհանուր իրավասության դատարանը՝ Տաթևիկ Գրիգորյանի նախագահությամբ, քիչ առաջ որոշում կայացրեց բավարարել ՀՀ ոստիկանության նախկին բարձրաստիճան սպա Սայաթ Շիրինյանի պաշտպան Բենիկ Գալստյանի միջնորդությունը և Շիրինյանի նկատմամբ ընտրված խափանման միջոց ստորագրությունը վերացնել։
Միջնորդության հիմքում պաշտպանը շեշտել էր, որ քրեական գործի նախաքննության ողջ ընթացքում Շիրինյանը դրսևորել է պատշաճ վարքագիծ, բացի այդ առաջադրված մեղադրանքը ծանր հանցանք չի համարվում.
«Անիրատեսական է այն հանգամանքը, որ իր դեմ ցուցմունք տված անձի նկատմամբ Սայաթ Շիրինյանը կարող է որևէ ազդեցություն ունենալ` հաշվի առնելով նաև այն հանգամանքը, որ ցուցմունք տվողը ոստիկանության բարձրաստիճան անձ է»,- նշեց Գալստյանը։
Կես ժամ խորհրդակցական սենյակում անցկացնելուց հետո՝ դատավոր Գրիգորյանը բավարարեց միջնորդությունը։
Հիշեցնենք՝ Սայաթ Շիրինյանը մեղադրվում է ՀՀ ՔՕ 226.2-րդ հոդվածի 1-ին մասով (բռնություն գործադրելու հրապարակային կոչերը, բռնությունը հրապարակայնորեն արդարացնելը կամ քարոզելը): Նրա նկատմամբ որպես խափանման միջոց էր ընտրվել ստորագրությունը՝ չհեռանալու մասին:
Ռոզա Վարդանյան
