11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
ՀԱՊԿ-ը մարդասիրական օգնություն է պատրաստում աֆղան փախստականների համար
Քաղաքականություն
02.12.2021 | 13:50
ՀԱՊԿ-ն աշխատում է Աֆղանստանից հնարավոր փախստականների հետ կապված մարդասիրական միջոցառումների նախապատրաստման ուղղությամբ։ Այս մասին «ՌԻԱ Նովոստի»-ին տված հարցազրույցում ասել է կազմակերպությունում Ռուսաստանի Դաշնության մշտական ներկայացուցիչ Միքայել Աղասանդյանը։
«Միջոցառումներ են մշակվում նյութական ռեսուրսների պաշարներ ստեղծելու ուղղությամբ՝ ապահովելու Հավաքական ուժերի բարձր պատրաստվածությունը և հնարավոր փախստականների առնչությամբ մարդասիրական միջոցառումների իրականացումը։ Աֆղանստանից փախստականների և միգրացիոն հոսքերի խնդիրները քննարկվել են ՀԱՊԿ անդամ երկրների իրավասու մարմինների ղեկավարների՝ անօրինական միգրացիայի դեմ պայքարի հարցերով համակարգող խորհրդի վերջին նիստում»,- ասել է Աղասանդյանը։
Նա հավելել է, որ ճգնաժամային իրավիճակների արձագանքման համակարգի շրջանակներում սահմանվել է իրավիճակի մշտադիտարկում ՀԱՊԿ պատասխանատվության գոտում և դրա պարագծի երկայնքով՝ ճգնաժամային իրավիճակների առաջացման և զարգացման նշանները բացահայտելու և վերլուծելու նպատակով։
Տաթև Ֆռանգյան
