19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Թուրքական արժույթը նոր նվազագույնի՝ մեկ դոլարի դիմաց 14 լիրայի է հասել Էրդողանի հարցազրույցից հետո
Քաղաքականություն
01.12.2021 | 14:41
Թուրքական լիրայի փոխարժեքը ԱՄՆ դոլարի նկատմամբ նոր նվազագույնի է հասել նախօրեին նախագահ Ռեջեփ Թայիփ Էրդողանի՝ պետական TRT հեռուստաալիքին տված հարցազրույցից հետո, գրում է Bianet-ը։
Բնութագրելով այն, ինչը նա անվանում է նոր տնտեսական մոդել, Էրդողանը, մասնավորապես, ասել է․ «Մենք հրաժարվում ենք բարձր տոկոսադրույքներով դրամական հոսքեր ներգրավելու քաղաքականությունից։ Մենք աջակցելու ենք արտադրությանն ու արտահանմանը ցածր տոկոսադրույքներով։ Տոկոսադրույքն է պատճառը, ինֆլյացիան՝ արդյունքը։ Մենք ներկայում նվազեցնում ենք տոկոսադրույքները և հուսով ենք՝ կտեսնենք նաև ինֆլյացիայի նվազում»։
Թուրքիայի Կենտրոնական բանկը երեք ամիս անընդմեջ իջեցրել է տոկոսադրույքները, իսկ դեկտեմբերին սպասվում է տոկոսադրույքի հետագա իջեցում։
Նշվում է, որ երբ Էրդողանի հարցազրույցը սկսվել է երեկոյան ժամը 22։00-ին, երբ լիրայի փոխարժեքը դոլարի նկատմամբ եղել է 13,30, հաղորդման ընթացքում այն հասել է 13,96-ի։
Ի դեպ, սպասվում է, որ այսօր Էրդողանը ելույթ է ունենալու խորհրդարանում՝ «Արդարություն և զարգացում» կուսակցության խմբակցության նիստում։
Հավելենք, որ թուրքական լիրան տարեսկզբից արժեզրկվել է արդեն 45 տոկոսով։
Էմմա Չոբանյան
