07.11.2024 | 13:47
Հայաստանի քաղաքացիները կկարողանան առանց վիզայի մեկնել Մոնղոլիա
Զալկալիանին կմասնակցի ՆԱՏՕ-ի արտգործնախարարների հանդիպմանը
Քաղաքականություն
30.11.2021 | 23:27
Վրաստանի արտաքին գործերի նախարար, փոխվարչապետ Դավիթ Զալկալիանին կմասնակցի ՆԱՏՕ-ի անդամ երկրների արտաքին գործերի նախարարների երկօրյա հանդիպմանը, որը մեկնարկում է այսօր՝ նոյեմբերի 30-ին, Լատվիայի մայրաքաղաք Ռիգայում, տեղեկացնում է «Ալիք Մեդիան»։
Վրաստանի արտաքին գործերի նախարարության փոխանցմամբ՝ Դավիթ Զալկալիանին Ուկրաինայի արտաքին գործերի նախարար Դմիտրի Կուլենի հետ կմասնակցի Հյուսիսատլանտյան խորհրդի նիստին և ելույթ կունենա իր գործընկեր նախարարների համար։
ՆԱՏՕ-ի նախարարական նիստի օրակարգային հարցերից են Սևծովյան տարածաշրջանի անվտանգության միջավայրը և վերջին զարգացումները։ Վրաստանի արտաքին գործերի նախարարության տվյալներով՝ ՆԱՏՕ-ի դաշնակիցները կլսեն տարածաշրջանի արտգործնախարարների տեսակետները տարածաշրջանային անվտանգության հարցերի շուրջ և կքննարկեն այդ երկրների ներդրումը անվտանգության գործընթացում։ Ռիգայի նախարարական նիստում կքննարկվեն նաև Վրաստանի և Ուկրաինայի քայլերը ՆԱՏՕ-ին անդամակցելու ճանապարհին։
Վրաստանի արտաքին գործերի նախարարի առաջին տեղակալ Լաշա Դարսալիան Ռիգայում կմասնակցի «ՆԱՏՕ-ի 2030 թվականի ռազմավարության տեսլականը» միջոցառմանը, որը կբացեն դաշինքի գլխավոր քարտուղար Յենս Ստոլտենբերգը և Լատվիայի արտաքին գործերի նախարար Էդգարս Ռինկևիչսը։
