16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Հայ-թուրքական արձանագրություններով Հայաստանը դե ֆակտո ճանաչեց Թուրքիայի սահմանները և ընդունեց, որ այլևս հողային որևէ պահանջ չունի Թուրքիայից. Հայկ Մարտիրոսյան. ՏԵՍԱՆՅՈՒԹ
Քաղաքականություն
06.04.2018 | 15:48
Հայ-թուրքական արձանագրություններով նաև կատարվեց մի բան, որին Հայաստանում շատ քիչ ուշադրություն են դարձնում, եթե, իհարկե, առհասարակ ուշադրություն դարձնում են, դա այն է, որ Հայաստանը փաստացիորեն՝ դե ֆակտո, ճանաչեց Թուրքիայի սահմանները և ընդունեց, որ այլևս չունի հողային որևէ պահանջ Թուրքիայից, որը անուղղակիորեն կարող է վերաբերել նաև Ադրբեջանին. լրագրողների հետ զրույցում ասաց քաղաքագիտության դոկտոր Հայկ Մարտիրոսյանը:
«Շատ մեծ խնդիր էր արցախյան խնդիրը 2016-ի ապրիլին չլուծելը: Այս ամենը, եթե մեղմ արտահայտվենք՝ սխալ, եթե խիստ արտահայտվենք՝ դավաճանական գաղափարախոսության արդյունք է, որի հիմքը դրվել է դեռևս առաջին նախագահի օրոք, ու այս կոնցեպտը շարունակվում է մինչև այսօր, կրկնեմ՝ «տարածքներ՝ խաղաղության դիմաց» բանաձևն է»,- ասաց քաղաքագետը:
Կառավարման նոր ձևին անցելու մասին, Մարտիրոսյանն ասաց. «Ակնկալել ինչ-որ ֆենամենալ փոփոխություններ, ուղղակի զարմանալի է: Որքան գիտեմ մի շենք ավելանում է երկրի ղեկավարի համար, նոր պաշտոն է ավելացել՝ ձևական նախագահի, ինչ-որ թոշակի խնդիրներ, անշարժ գույք և այլն, այո՛, այդ առումով փոփոխություններ կան արդեն»:
Մանրամասները՝ տեսանյութում:
