29.06.2026 | 09:53
ՀՀ տարածքում ավտոճանապարհներն անցանելի են
Արմեն Սարգսյանն իր երդմնակալությանը 500 անձնական հյուր ունի. «Հրապարակ»
06.04.2018 | 08:45
«Հրապարակ» թերթը գրում է.
Հայաստանի 4-րդ նախագահ Արմեն Սարգսյանի թիմն ինտենսիվ պատրաստվում է ապրիլի 9-ի երդմնակալությանը: Ընդունում, տեղավորում են արտերկրից ժամանող հյուրերին, զբաղվում կազմակերպչական աշխատանքներով, որոշում նստելու տեղերը: Արմեն Սարգսյանը մոտ 500 անձնական հյուր է ունենալու, հիմնականում՝ սփյուռքահայ երիտասարդներ:
Ի դեպ, Մարզահամերգային համալիրում 1200 հոգի է տեղավորվում, և եթե Արմեն Սարգսյանը 500 անձնական հյուր ունի, ապա պետական մի շարք պրոտոկոլներ դուրս կմնան ցանկից:
Նշենք, որ պետությունների ղեկավարներ չեն եղել նաև Սերժ Սարգսյանի ինաուգուրացիաների ժամանակ։ Ներկա կլինեն Ա․ Սարգսյանի մտերիմները` Վաչե Մանուկյանը, Պերճ Սեդրակյանը, Ռուբեն Վարդանյանը: Սպասում են նաև նախագահի տիկնոջը՝ Նունեին, և որդիներին՝ Հայկին ու Վարդանին:
Առավել մանրամասն՝ թերթի այսօրվա համարում:
