11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Թաիլանդի դեսպանը հավատարմագրերի պատճենն է հանձնել ՀՀ ԱԳ նախարարի տեղակալին
Քաղաքականություն
24.11.2021 | 22:11
Նոյեմբերի 24-ին Հայաստանի Հանրապետությունում Թաիլանդի Թագավորության նորանշանակ դեսպան Սասիվատ Վոնգսինավատը (նստավայրը՝ Մոսկվա) իր հավատարմագրերի պատճենը հանձնեց ՀՀ արտաքին գործերի նախարարի տեղակալ Վահե Գևորգյանին: Այս մասին տեղեկացնում է ԱԳՆ մամուլի ծառայությունը։
Հանդիպման ընթացքում կողմերը քննարկեցին երկու ժողովուրդների միջև հարաբերությունների զարգացման ուղղությունները, մասնավորապես, առանձնացվեցին զբոսաշրջությունը, հայկական ալկոհոլային խմիքների և ոսկերչական արտադրանքի Թաիլանդ արտահանման հնարավորությունները: Քննարկվեց նաև երկկողմ իրավապայմանագրային հենքի ընդլանման հարցը, այդ թվում՝ զբոսաշրջության և գործարար կապերի խթանման նպատակով մուտքի արտոնագրերի կարգի դյուրացման և օդային ծառայությունների մասին համաձայնագրերը:
Վահե Գևորգյանն իր խոսքում ընդգծեց, որ Հայաստանի և Հարավարևելյան Ասիայի առանցքային դերակատար հանդիսացող և Ասիայի և Խաղաղօվկիանոսյան տարածաշրջանի կարևոր մաս կազմող Թաիլանդի համատեղ բարգավաճման համար առկա են բազմաթիվ հնարավորություններ։
Զրուցակիցներն անդրադարձան Հայաստանում Թաիլանդի ճանաչմանն ուղված մշակութային միջոցառումների կազմակերպման, ինչպես նաև՝ միջազգային շրջանակներում փոխգործակցությանն առնչվող հարցեր:
