16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Պուտինը պատմել է, թե ինչ զգացողություններ է ունեցել քթային պատվաստանյութի փորձարկումներին մասնակցելիս
Քաղաքականություն
24.11.2021 | 23:06
Ռուսաստանի նախագահ Վլադիմիր Պուտինը պատմել է, որ մասնակցել է կորոնավիրուսի դեմ քթային պատվաստանյութի փորձարկումներին և կիսվել իր զգացողություններով, գրում է Ինտերֆաքսը։
Կառավարության անդամների հետ հանդիպմանը նա ասել է, որ պատվաստումներից վեց ամիս անց իր պաշտպանիչ տիտրերի մակարդակն իջել է։ Նրան խորհուրդ են տվել նորից պատվաստել, ինչն էլ արել է։
«Սկզբում արեցի ներարկման տեսքով, իսկ հաջորդ օրը, Դենիս Յուրիևիչի (Դենիս Լոգունով, Գամալեայի գիտական աշխատանքների կենտրոնի ղեկավարի տեղակալ) հետ զրույցից հետո, ի դեպ՝ անձամբ նա էլ արել է այդ գործընթացի երկրորդ մասը, այն է՝ այդ քթի փոշին»,- շարունակել է նախագահը։
Նա պարզաբանել է, որ դա նույն ներարկիչն է․ «Միայն թե հեղուկի փոխարեն փոշի հավաքեց, խնդրեց երեք հաշվարկից հետո խորը շնչել, փշեց նախ՝ մի կողմից, հետո՝ մյուս կողմից։ Դրանից հետո ես 15 րոպե նստել եմ, ամեն ինչ այդքանով ավարտվեց։ Անկեղծ ասած՝ ոչ մի զգացողություն չեմ ունեցել։ Պարզապես ոչինչ»։
Տաթև Ֆռանգյան
