02.04.2026 | 13:33
«Բոլորին դեմ եմ» շարժումն ու Նժար սահմանադրական շարժումը միավորվում են
Թուրքիան ակտիվացնում է հայրենական ավիակրի ստեղծման ուղղությամբ աշխատանքները
Քաղաքականություն
23.11.2021 | 21:44
Թուրքիայի ռազմարդյունաբերական համալիրը հայրենական արտադրության առաջին՝ TCG Anadolu դեսանտային նավի շահագործման նախապատրաստմանը զուգընթաց՝ աշխատանքներ է տանում սեփական ավիակրի մշակման ուղղությամբ։ Այս մասին «Անադոլու» գործակալության հետ զրույցում հայտարարել է Թուրքիայի նախագահականին առընթեր ռազմարդյունաբերական համալիրի վարչության ղեկավար Իսմայիլ Դեմիրը։
Նա նշել է, որ նախագահ Ռեջեփ Թայիփ էրդողանը դեռ մի քանի տարի առաջ ուրվագծել է ավիակիր ստեղծելու նպատակը, և այս նախագիծը պետք է դիտարկել որպես երկիրը համաշխարհային տերության վերածելու ռազմավարության մաս։
«Ինչպես գիտեք՝ Anadolu նավի մասին հրապարակային հայտարարվել է՝ որպես ավիակիր։ Իրականում այն մտածված է այնպես, որ լինի դեսանտային նավ։ Երբ մենք հասկացանք, որ նավի վրա կարելի է անօդաչու թռչող սարքեր տեղակայել, միանգամից անցանք այդ ուղղությամբ աշխատանքներին։ Այժմ սպասվում է նավի վերազինման գործընթացի ավարտը։ Այն շահագործման կհանձնվի մոտ ժամանակներս»,- ասել է Դեմիրը։
Նա նշել է, որ անօդաչուների մշակման աշխատանքները, որոնք նախատեսվում է տեղակայել նավի վրա, շարունակվում են։
«Առաջին փուլում շատ կարևոր է, որ հայրենական նավը որքան հնարավոր է՝ շուտ շահագործման հանձնվի։ Դրան կհաջորդեն ծրագրված աշխատանքները՝ դրա վրա «Բայրաքթար» անօդաչու թռչող սարքի տեղակայման ուղղությամբ։ Բացի այդ, օրակարգում է նաև երկրորդ՝ ավելի համակարգային նավի ստեղծումը։ Մենք տեսնում ենք, որ «ավիակիր» հասկացությունն այսօր փոխվում է։ Այս համատեքստում մենք շրջանառության նոր հասկացություն ենք դրել՝ «նավ, որը կրում է ԱԹՍ»»,- ասել է թուրք պաշտոնյան։
Էմմա Չոբանյան
