14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Փաշինյանը կմասնակցի Դավոսում կայանալիք տնտեսական ֆորումին․ Ալիևը ևս մասնակիցների ցանկում է
Քաղաքականություն
16.01.2025 | 10:53
Համաշխարհային տնտեսական ֆորումի 2025 թվականի տարեկան ժողովը տեղի կունենա հունվարի 20-24-ը Շվեյցարիայի Դավոս քաղաքում: Հանդիպմանը մասնակցելու է 130 երկրների շուրջ 3000 ներկայացուցիչ և կառավարությունների 350 ղեկավար: Համաշխարհային տնտեսական ֆորումի պաշտոնական կայքից տեղեկանում ենք, որ համաժողովին մասնակցելու է նաև ՀՀ վարչապետ Նիկոլ Փաշինյանը։
Մասնակիցների թվում են նաև ԱՄՆ ընտրված նախագահ Դոնալդ Ջ. Թրամփը, որը միանալու է առցանց՝ մասնակիցների հետ ինտերակտիվ երկխոսության համար, Եվրոպական հանձնաժողովի նախագահ Ուրսուլա ֆոն դեր Լեյենը, Չինաստանի Ժողովրդական Հանրապետության փոխվարչապետ Դին Սյուեսյանը, Արգենտինայի նախագահ Խավիեր Միլեն, Գերմանիայի կանցլեր Օլաֆ Շոլցը, Իսպանիայի վարչապետ Պեդրո Սանչեսը, Ուկրաինայի նախագահ Վլադիմիր Զելենսկին, Ադրբեջանի նախագահ Իլհամ Ալիևն ու այլ երկրների ղեկավարներ։
Ի դեպ, Սիրիայի նոր վարչակազմի ԱԳ նախարար Ասադ Հասան Ալ Շիբանին ևս մասնակիցների ցանկում է։
Թարգմանությունը՝ Էմմա Չոբանյանի
