18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Պուտինը, Փաշինյանը և Ալիևը նոյեմբերի 26-ին կհանդիպեն Սոչիում
Քաղաքականություն
23.11.2021 | 16:26
Կրեմլից հայտնել են, որ Հայաստանի, Ռուսաստանի և Ադրբեջանի ղեկավարներ Նիկոլ Փաշինյանը, Վլադիմիր Պուտինը և Իլհամ Ալիևը նոյեմբերի 26-ին կհանդիպեն Սոչիում։ ՏԱՍՍ-ի փոխանցմամբ՝ այս մասին հայտնում է Կրեմլի մամլո ծառայությունը։
Նշվում է, որ հանդիպումը տեղի է ունենում ՌԴ ղեկավարի նախաձեռնությամբ։
«Նախատեսվում է դիտարկել երեք երկրների ղեկավարների՝ 2020 թվականի նոյեմբերի 9-ի և 2021 թվականի հունվարի 11-ի պայմանավորվածությունների կատարման ընթացքը, ինչպես նաև նախանշել տարածաշրջանում կայունության ամրապնդման և խաղաղ կյանքի հաստատման հետագա քայլերը»,- ասված է հաղորդագրության մեջ։
Ընդգծվում է, որ առանձնահատուկ ուշադրություն է դարձվելու առևտրատնտեսական և տրանսպորտային կապերի վերականգնմանն ու զարգացմանը։
Նշվում է նաև, որ Վլադիմիր Պուտինն առանձին բանակցություններ կանցկացնի Իլհամ Ալիևի և Նիկոլ Փաշինյանի հետ։
Տաթև Ֆռանգյան
