Ադրբեջանի Մեջլիսի պատգամավորները կրկին առաջարկել են Ֆրանսիային հեռացնել ԵԱՀԿ Մինսկի խմբից

Լուրեր

22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
Բոլորը

Ադրբեջանի Միլի Մեջլիսի այսօրվա նիստում մի շարք պատգամավորներ հանդես են եկել Ֆրանսիային ԵԱՀԿ Մինսկի խմբից հեռացնելու մասին հերթական հայտարարություններով, գրում են ադրբեջանական լրատվամիջոցները։

Մասնավորապես, Մեջլիսի պատգամավոր Հուդրաթ Հասանգուլիևն ասել է, որ Ֆրանսիան, որպես Մինսկի խմբի անդամ, բացահայտ աջակցում է Հայաստանին։

«Նման գործողություններով Ֆրանսիան խոչընդոտում է տարածաշրջանում խաղաղության հաստատմանը։ Ադրբեջանը պետք է ջանքեր գործադրի՝ Ֆրանսիային Մինսկի խմբի համանախագահությունից հեռացնելու համար։ Ես դեմ եմ բոլոր տեսակի վիրավորանքներին ու բռնությանը։ Պարզապես տեղի ունեցածը Ֆրանսիայի քաղաքականության արդյունքն է։ Այդ երկրի վերաբերմունքը Ադրբեջանին երբեք չի փոխվի։ Ադրբեջանը պետք է վերանայի իր հարաբերությունները Ֆրանսիայի հետ բոլոր ոլորտներում»,- ասել է Հասանգուլիևը։

Պատգամավոր Հիքմեթ Բաբաօղլուն էլ հայտարարել է, որ Ֆրանսիայի պաշտոնատար անձանց ոչ ադեկվատ քայլերը տարբեր մակարդակներում  տարակուսելի են։ Նրա կարծիքով՝ Ֆրանսիան խոչընդոտում է համագործակցությանը, որը պետք է զարգանա տարածաշրջանում նոր իրողությունների պայմաններում։

Պատգամավոր Թուրալ Գյանջալիևն իր հերթին նշել է, որ Ֆրանսիան պետք է շատ ուշադիր լինի Հարավային Կովկասում, հատկապես՝ Ադրբեջանի նկատմամբ իր քաղաքականության մեջ։ Հակառակ դեպքում, ըստ նրա, այդ երկրի հեղինակությունն ավելի է նվազելու։

Սոլթան Մամեդովն էլ կարծիք է հայտնել, որ Ֆրանսիան ի վիճակի չէ կատարել իր պարտավորությունները որպես Մինսկի խմբի համանախագահ։ Նա նշել է, որ Ֆրանսիայի Սենատում Վալանսի քաղաքապետի ու Ռոն Ալպերի շրջանի ներկայացուցիչների կողմից Արցախի Հանրապետության պատվիրակության ընդունելությունը վկայում է երկակի ստանդարտների ու Հարավային Կովկասում ստեղծված նոր իրողությունները ճիշտ գնահատելու անկարողության մասին։

«Քայլերը, որոնք իրականացնում են Ֆրանսիայի տեղական իշխանությունները արտաքին քաղաքականության ոլորտում, հակասում են այդ երկրի օրենսդրությանը։ Ֆրանսիայի դիրքրորոշումը պատերազմի ժամանակ ու դրանից հետո, որպես ԵԱՀԿ Մինսկի խմբի համանախագահ, հարցեր են առաջացնում Ադրբեջանի հասարակության ու կառավարության մոտ։ Ֆրանսիայի խորհրդարանի երկու պալատներն ընդունել են կանխակալ և միջազգային իրավունքին հակասող բանաձևեր»,- ասել է  Մամեդովը՝ նշելով, որ Ֆրանսիայի տարբեր քաղաքներ ու շրջաններ 28 փաստաթուղթ են ստորագրել Արցախի հետ, որոնցից 11-ը, դատարանի որոշմամբ, չեղարկվել է։

Հավելենք, որ Արցախյան 44–օրյա պատերազմի ընթացքում ու դրանից հետո Ադրբեջանի Մեջլիսի պատգամավորները բազմիցս հանդես են եկել հակաֆրանսիական հայտարարություններով ու Ադրբեջանի իշխանություններին ուղղված կոչերով՝ քայլեր ձեռնարկել՝ Ֆրանսիային ԵԱՀԿ Մինսկի խմբի համանախագահությունից հեռացնելու համար։ Սակայն պաշտոնական Բաքուն այս ուղղությամբ որևէ քայլ այդպես էլ չի ձեռնարկել։ Ավելին՝ Ադրբեջանը շարունակում է բանակցությունների մասնակցել Մինսկի խմբի ձևաչափում։

Էմմա Չոբանյան