«Դուք դատվելու եք», «դուրս անցե՛ք». վեճ ԱԺ-ում․ ՏԵՍԱՆՅՈՒԹ

ԱԺ պաշտպանության և անվտանգության հարցերի մշտական հանձնաժողովն այսօր արտահերթ նիստ է հրավիրել՝ քննարկելու հանձնաժողովի փոխնախագահի ընտրության հարցը: Արտահերթ նիստն ընթանում է լարված մթնոլորտում:

«Արդեն որերորդ անգամ մանիպուլյացիաների, կեղծ տեղեկությունների միջոցով, պարոն Քոչարյան, Դուք՝ անձամբ և հանձնաժողովի մի շարք անդամներ…»,- ասաց հանձնաժողովի անդամ Արծվիկ Մինասյանը, սակայն միտքը չկարողացավ ավարտել, քանի որ հանձնաժողովի նախագահ Անդրանիկ Քոչարյանը ընդհատեց նրան՝ հանդիմանելով. «Սուտը ինքներդ եք ասում, անձամբ Դուք։ Ստախոսն ինքդ եք»:

Մինասյանն արձագանքեց՝ բղավելով. « «Մի ընդհատեք, երբ որ ես խոսում եմ։ Դուք պետք է դատվեք դեռ։ Հիմա հրապարակային ասում եմ, Դուք և Վահագն Ալեքսանյանը, որ հրապարակային հայտարարում եք, թե գուցե «Հայաստան» դաշինքն է հրավիրել Ադրբեջանին, դուք պատասխան պետք է տաք։ Հենց հիմա Ձեզնից պատասխան եմ պահանջում և հրապարակային հայտարարում եմ՝ Դուք դատվելու եք, և ոչ միայն այս հանցագործության համար»:

Ընդդիմադիր պատգամավորները լքեցին հանձնաժողովի նիստը։

«Գնա փողոցում քո գործը արա, էստեղ դուք ընդամենը շոու անող եք», – նրանց հետևից բղավեց Անդրանիկ Քոչարյանը։

Արծվիկ Մինասյանը դարձյալ վերադարձավ, հայտարարեց, թե դիմում է դատախազությանը՝ անմիջապես հարուցել քրեական գործ, և բացահայտել, թե ովքեր են դավաճանները, ովքեր են Հայաստանը հասցրել այս վիճակին։

«Այո՛, անպայման, պետք է բացահայտել, թե ովքեր են Ադրբեջանի հետ սինքրոն աշխատում, սինքրոն, մեկին մեկ», – տեղից բղավեց ՔՊ-ական պատգամավոր Վահագն Ալեքսանյանը։

Մանրամասները՝ տեսանյութում: