11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Իշխանական պատգամավորը հայտարարում է զոհերի թիվ, որն այդպես էլ չի հաստատվում. Գեղամ Մանուկյան․ ՏԵՍԱՆՅՈՒԹ
Քաղաքականություն
23.11.2021 | 11:30
Տևական ժամանակ է՝ առաջանագծի տարբեր հատվածներում տեղի են ունենում ռազմական գործողություններ, միևնույն ժամանակ, աննախադեպ երևույթ է տեղի ունենում Հայաստանի պաշտպանական ոլորտում, երբ հանրությունը զրկվում է ամբողջական տեղեկատվություն ստանալու հնարավորությունից: Այս մասին Պաշտպանության և անվտանգության հարցերի մշտական հանձնաժողովի նիստի ժամանակ նշեց «Հայաստան» խմբակցության պատգամավոր Գեղամ Մանուկյանը:
«Հանձնաժողովի բոլոր անդամները, վստահ եմ, գիտակցում են՝ ինչ վտանգներով է սա հղի, երբ հայ հանրությունը, տեղեկատվություն չստանալու պարագայում, հայացքն ուղղում է թշնամական պետության տեղեկատվական աղբյուրների։ ՊՆ-ն ասում է՝ կան զոհեր․ ո՛չ թիվ, ո՛չ անուններ չեն հրապարակվում։ Իշխանական պատգամավորը բարձր ամբիոնից խոսում է զոհվածների թվի մասին, որն այդպես էլ չի հաստատվում, իշխանության հետ առնչություն ունեցող լրատվականների միջոցով հստակ թվեր են հրապարակվում, արդյունքում ստեղծվում է խառնաշփոթ և անորոշ վիճակ»,- նշեց պատգամավորը։
Մանուկյանի կարծիքով՝ Պաշտպանության և անվտանգության հարցերի մշտական հանձնաժողովի նախագահը պետք է արտահերթ նիստ կազմակերպեր և այս հարցերը քննարկեր։
Մանրամասները՝ տեսանյութում:
