16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԱՄՆ-ը դիտարկում է Ուկրաինա լրացուցիչ սպառազինություն ուղարկելու հնարավորությունը` ՌԴ հնարավոր ներխուժման մտավախություններից ելնելով․ CNN
Քաղաքականություն
23.11.2021 | 12:53
ԱՄՆ նախագահ Ջո Բայդենի վարչակազմն ուսումնասիրում է իր խորհրդականներին Ուկրաինա ուղարկելու հնարավորությունը, ինչպես նաև լրացուցիչ սպառազինություն՝ կապված տեղեկությունների հետ, որ Ռուսաստանը զորքեր է տանում դեպի ուկրաինական սահման։ Այս մասին հաղորդում է CNN-ը՝ վկայակոչելով իր իրազեկ աղբյուրներին:
Հեռուստաալիքի փոխանցմամբ՝ ԱՄՆ-ը մտադիր է Ուկրաինային մատակարարել Javelin հակատանկային հրթիռային համակարգերի ու ականանետների նոր խմբաքանակ։ Դիտարկվում է նաև «Սթինգեր» շարժական զենիթահրթիռային համակարգերի և Ռուսաստանից ավելի վաղ գնված «Մի-17» ուղղաթիռների խմբաքանակ ուղարկելու հնարավորությունը, որոնք ի սկզբանե նախատեսված էին աֆղանական բանակի համար։
CNN-ի հաղորդմամբ՝ ԱՄՆ վարչակազմի որոշ պաշտոնյաներ մտահոգություն են հայտնում, որ Մոսկվան կարող է նման մատակարարումները դիտարկել որպես իրավիճակը լրջորեն սրելու փորձ Վաշինգտոնի կողմից։ Նման պայմաններում պարզ չէ՝ արդյո՞ք ռազմական խորհրդատուներից որևէ մեկը, որոնց Վաշինգտոնը նախատեսում է ուղարկել տարածաշրջան, իրականում կգնա Ուկրաինա։
Հեռուստաալիքը նաև տեղեկություն է ստացել, որ ամերիկյան կողմը բանակցություններ է վարում եվրոպացի գործընկերների հետ՝ Ռուսաստանի կողմից Ուկրաինա ներխուժելու դեպքում պատժամիջոցների նոր փաթեթ մշակելու համար։
Տաթև Ֆռանգյան
