18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիայի ՊՆ ղեկավարը Հունաստանին մեղադրել է սադրիչ և ագրեսիվ գործողությունների մեջ
Քաղաքականություն
22.11.2021 | 22:36
Հունաստանը դիմում է սադրիչ ու ագրեսիվ գործողությունների, որոնք նպաստում են տարածաշրջանում լարվածության աճին։ Այս մասին հայտարարել է Թուրքիայի պաշտպանության նախարար Հուլուսի Աքարը Գլխավոր շտաբի պետ Յաշար Գյուլերի և զորքերի հրամանատարների հետ համատեղ նիստի ժամանակ, գրում է «Անադոլու» գործակալությանը։
Նրա խոսքով՝ Թուրքիան ուշադրությամբ հետևում է Էգեյան ծովում ու Արևելյան Միջերկրականում տեղի ունեցողին:
«Բոլոր քայլերը տարածաշրջանում Անկարան անում է մտածված ու սառնասիրտ, մինչդեռ հունական կողմը փորձում է խեղաթյուրել տարածաշրջանի իրողությունները և Թուրքիային ներկայացնել որպես ագրեսոր երկիր, իսկ Հունաստանին՝ որպես զոհ։ Սակայն իրողություններն ակնհայտ են. հենց Հունաստանն է էքսպանսիայի և ագրեսիայի քաղաքականություն վարում»,- ասել է Աքարը։
Բացի այդ, նա հույն զինծառայողներին մեղադրել է, որ, իբր, փախստականների նկատմամբ Էգեյան ծովում ուժ են գործադրում։
Էմմա Չոբանյան
