Քաղաքականություն
22.11.2021 | 21:29
ԱՄՆ-ն պաշտոնյաները զգուշացրել են Իսրայելին, որ իրանական միջուկային օբյեկտների վրա հարձակումն արդյունավետ չէ և կարող է Թեհրանին ավելի խրախուսել՝ արագացնել միջուկային ծրագիրը։ Այս մասին գրում է իսրայելական Haaretz-ը՝ վկայակոչելով The New York Times-ին։
Իսրայելցի պաշտոնյաները մերժել են նախազգուշացումները՝ ասելով, որ ծրագրեր չունեն դադարեցնելու հարձակումներn իրանական օբյեկտների վրա, ասվում է զեկույցում, որը վկայակոչում է կատարում անանուն պաշտոնյաներին։
Լրատվամիջոցը գրում է, որ Իրանն արագորեն վերականգնում է իսրայելական հետախուզության կողմից վնասված օբյեկտները և նույնիսկ թարմացնում նոր սարքավորումներով՝ ավելի արագացնելով ուրանի հարստացումը։
Ըստ հրապարակման՝ Սպիտակ տան պաշտոնյաները քննարկում են Իրանի հետ միջանկյալ գործարքի հնարավորությունը՝ հույս ունենալով ժամանակ շահել և Իսրայելին հետ պահել իրանական օբյեկտները ռմբակոծելու սպառնալիքներից։
ՄԱԿ-ի ատոմային վերահսկողության կառույցն էլ անցյալ շաբաթ հայտարարել էր, որ կարծում է, թե Իրանն ավելացրել է բարձր հարստացված ուրանի պաշարները՝ խախտելով տերությունների հետ 2015 թվականի համաձայնագիրը:
Նշվում է, որ Բրիտանիայի, Չինաստանի, Ֆրանսիայի, Գերմանիայի և Ռուսաստանի բարձրաստիճան դիվանագետները նախատեսում են նոյեմբերի 29-ին Վիեննայում հանդիպել իրանցի պաշտոնյաների հետ՝ քննարկելու Թեհրանի վերադարձը 2015 թվականի համաձայնագրին։
Նախօրեին Իսրայելի ազգային հետախուզության՝ «Մոսադ»-ի նախկին ղեկավարը Haaretz-ին տված հարցազրույցում խոստովանել է, որ Իրանն ավելի շատ ուրան է հարստացրել միջուկային գործարքից Ամերիկայի դուրս գալուց հետո։
Յոսի Քոհենը, որն այս տարի է ավարտել պաշտոնավարումը որպես «Մոսադ»-ի ղեկավար, ասել է, որ չնայած նախկին բարձրաստիճան մի շարք պաշտոնյաների հայտարարություններին, թե հիմա ուշ է Իրանին կանգնեցնել միջուկային պետություն դառնալու շեմից, «երբեք ուշ չէ»։
Պատասխանելով հարցին՝ արդյո՞ք Իսրայելը կարող է ինքնուրույն ռազմական հարված հասցնել Իրանին, Քոհենն ասել է․ «Կարծում եմ՝ Իսրայելը պետք է կարողանա միայնակ պայքարել, ինչպես անցյալում երկու անգամ արել ենք՝ Իրաքում և Սիրիայում»։
Էմմա Չոբանյան
