07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Բողոքի ակցիաներ Երևանի տարբեր հատվածներում․ բերման է ենթարկվել փողոցներ փակած 18 անձ
Քաղաքականություն
22.11.2021 | 11:07
Մի խումբ քաղաքացիներ այսօր առավոտից փակել էին Երևանի մի շարք գլխավոր ճանապարհներ, կանգնեցրել երթևեկությունը, 18 մարդ բերման է ենթարկվել:
«Քաղաքացիները բերման են ենթարկվել Վարչական իրավախախտումների մասին օրենսգրքի 182 հոդվածով նախատեսված գործողություն կատարելու համար՝ հասարակական կարգի պահպանության, հասարակական անվտանգության ապահովման, օբյեկտների պահպանության պարտականությունները կատարելու ընթացքում Ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը»,- Factor.am-ի հետ զրույցում նշեց Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը։
Նշենք, որ ակցիայի մասնակիցները բարձրախոսներով հայտարարում էին, որ այսօր ժամը 17։00-ին հավաք է նախատեսված Հանրապետության հրապարակում: Նրանց շարքերում են նաև ՀՀ ԱԺ նախկին պատգամավոր Սոֆյա Պողոսյանը, փաստաբան Արա Զոհրաբյանը, լրագրող Նաիրի Հոխիկյանը։ Տևական ժամանակ փակված է եղել Երևանի Արշակունյաց, Տիգրան Մեծի և Բաղրամյան պողոտան, Հաղթանակի կամուրջը:
