Ս. Սարգսյանը ո՛չ առաջին և ո՛չ էլ վերջին բռնակալն է աշխարհում, և նրա հեռացումը հնարավոր է. «Մերժիր Սերժին» նախաձեռնություն

Լուրեր

19.11.2026 | 12:19
Նիկոլ Փաշինյանի ճեպազրույցը՝ ՈՒՂԻՂ
19.11.2026 | 12:16
Ուկրաինան հարվածել է Թաթարստանում նավթամղիչ կայանին
19.11.2026 | 12:10
Ալեն Սիմոնյանն Ադրբեջան կմեկնի // Փաշինյանն Ալիևի հետ անհետ կորածների հարց է քննարկել․ ԼՈՒՐԵՐ
19.11.2026 | 12:04
Ձեզ արձագանքի արժանացնելը մեծ պատիվ կլինի, Դուք էդ պատվին չեք արժանացել․ նախարարը՝ Էդգար Ղազարյանին․ ՏԵՍԱՆՅՈՒԹ
19.11.2026 | 11:55
Սահմանադրության փոփոխությունների հաջորդ օրը խաղաղության պայմանագիրը ստորագրվելու է. Ալեն Սիմոնյան․ ՏԵՍԱՆՅՈՒԹ
19.11.2026 | 11:51
Համաշխարհային ճանաչում ունեցող առնվազն 2 կատարողների համերգ կլինի ՀՀ-ում. մրցույթներ են հայտարարվել․ ՏԵՍԱՆՅՈՒԹ
19.11.2026 | 11:39
Հաջորդ ընտրությանը չեմ լինի վարչապետի թեկնածու, եթե հանրաքվեում Սահմանադրությունն անցնի․ Փաշինյան․ ՏԵՍԱՆՅՈՒԹ
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:22
Հաջորդ ամիս այցելելու եմ Ադրբեջան. Ալեն Սիմոնյան․ ՏԵՍԱՆՅՈՒԹ
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
Բոլորը

«Մերժիր Սերժին» նախաձեռնությունը հանդես է եկել հայտարարությամբ: Հայտարարությունը՝ ստորև.

 

«Դիմում ենք Հայաստանի Հանրապետության քաղաքական ուժերին, քաղաքացիական հասարակությանը և քաղաքացիներին Սերժ Սարգսյանի վարչակարգին վերջ տալուն ուղղված ակտիվ գործողություններ ձեռնարկելու կոչով։

Սերժ Սարգսյանի իշխանության վերարտադրությունը, ինչպես նաև նրա 10 տարիների կառավարման ձախողումները բազմաթիվ են. Հայաստանը լքել է առնվազն 370,000 քաղաքացի, ունենք մի քանի տասնյակ քաղբանտարկյալ, երկիրն ու սերունդները խրվել են 6.8 մլրդ դոլար պարտքի մեջ, մեկ գիշերվա մեջ երկիրը հայտնվել է Մաքսային միությունում, զինադադարից ի վեր առաջին անգամ կորցրել ենք 800 հա տարածք, և, ամենացավալին, ունեցել ենք ավելի քան 100 զոհ, որի թիվ մեկ պատասխանատուն համատարած ծաղկող կոռուպցիայի հովանավոր Ս.Սարգսյանն է: Հայաստանի Հանրապետության քաղաքացին հասկացել է, որ ընտրություններով հնարավոր չէ հասնել իշխանափոխության, ինչի հետևանքը 2016թ. հուլիսին «Սասնա ծռեր» խմբավորման զինված ակցիան էր և, առհասարակ, զինված պայքարի կոչերը: Հիմա արդեն բոլորի համար հստակ է, որ 2015-ին Ս.Սարգսյանը երկրի Սահմանադրությունը փոխեց լոկ իր իշխանությունը երկարաձգելու և ամրապնդելու համար: Ակնհայտ է, որ Ս.Սարգսյանի վերարտադրությունը սուպեր-վարչապետի կարգավիճակով է՛լ ավելի է խորացնելու ավտորիտարիզմը, ճնշելու մարդու իրավունքները և վերացնելու է հետագայում փոփոխությունների համար պայքարի ու հաջողության հասնելու հնարավորությունները։ Ս.Սարգսյանն անփոխարինելի է միմիայն այն մարդկանց համար, որոնք կոռումպացված համակարգի մասն են և գերադասում են իրավիճակի կայունությունը:

Ներկայում Հայաստանում ձևավորվել են Ս.Սարգսյանի իշխանության դեմ պայքարի մի քանի օջախներ, որոնք ունեն համակարգային փոփոխություններին միտված, երբեմն նաև իրարից տարբերվող տեսլական և ծրագրեր: Սակայն Հայաստանի Հանրապետության ժողովրդավարական ապագայի հույս փայփայելու տեսանկյունից թիվ մեկ հրամայականը այսօր Ս.Սարգսյանի հեռացումն է պետական իշխանությունից: Ուստի նշված խմբերը, մի կողմ դնելով տարաձայնությունները, համագործակցում են՝ արդյունավետ լինելու համար:

Գիտակցում ենք, որ Ս.Սարգսյանը պատրաստ է դիմելու ցանկացած միջոցի, որպեսզի պահի իր իշխանությունը և տարիների ընթացքում ապօրինի դիզած հարստությունը: Նաև գիտակցում ենք, որ Ս.Սարգսյանը ո՛չ առաջին և ո՛չ էլ վերջին բռնակալն է աշխարհում, և նրա հեռացումը ՀՆԱՐԱՎՈՐ է: Դրան կարելի է հասնել փողոցում հանրության մոբիլիզացիայի և կենտրոնացված ու ապակենտրոնացված ակցիաների միջոցով:

Կոչ ենք անում այն քաղաքացիներին, որոնք չեն ուզում տասնյակ տարիներով ապրել բռնապետության ռեժիմում, համախմբվել՝ խաղաղ պայքարի բոլոր հնարավոր միջոցներով թույլ չտալու Ս.Սարգսյանի վարչապետությունը»:

#ՄերժիրՍերժին նախաձեռնություն