18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
Նման ինստիտուտ մարզպետների մոտ էլ պետք է լինի, պարոն Լոքյան. վարչապետի հանձնարարականը
Տնտեսություն
05.04.2018 | 11:58
ՀՀ կառավարության այսօրվա նիստի մեկնարկին վարչապետ Կարեն Կարապետյանն անդրադարձավ շինարարության ոլորտի ակտիվությանը՝ նշելով, որ դրա գնահատման չափանիշներից է հանդիսանում շինարարության թույլտվությունների տրամադրումը։
«2017 թվականին 2016 թվականին տրամադրված 2404 շինարարության թույլտվությունների համեմատությամբ մարզերում և Երևան քաղաքում տրամադրվել է 3407 թույլտվություն, 1003-ով ավել։ Չնայած նշված դրական դինամիկային, պետք է արձանագրել, որ համայնքների և բնակավայրերի գլխավոր հատակագծերի և գոտևորման նախագծերի բացակայությունը խոչընդոտ է հանդիսանում մարզերում շինարարական աշխատանքների նախաձեռնման, հատկապես կանխատեսելիության տեսանկյունից»,- ասաց Կարապետյանը:
Կառավարության ղեկավարը, ելնելով վերոնշյալից, հանձնարարեց տարածքային կառավարման և զարգացման նախարարին, քաղաքաշինության պետական կոմիտեի նախագահին և մարզպետներին՝ մեկամսյա ժամկետում մշակել համայնքների ղեկավարների կողմից շինարարության թույլտվությունների տրամադրման միասնական նորմատիվային մոտեցումներ, այդ թվում անդրադառնալով տևողության և պահանջվող փաստաթղթերի հարցերին։ Միաժամանակ նա հանձնարարեց Քաղաքաշինության պետական կոմիտեում նախատեսել նման թույլտվությունների տրամադրման վերաբերյալ բողոքների ընդունման և խնդիրների արագ արձագանքման մեխանիզմ։
«Կարծում եմ նման ինստիտուտ մարզպետների մոտ էլ պետք է լինի, պարոն Լոքյան: Քաղաքաշինության պետական կոմիտեի նախագահին ապահովել ըստ հաստատված ժամանակացույցի, համայնքների և բնակավայրերի գլխավոր հատակագծերի և գոտևորման նախագծերի մշակման աշխատանքների կատարումը։ Համապատասխան գործընթացում ցուցաբերել մասնագիտական օժանդակություն և սահմանել հսկողություն՝ քաղաքաշինական նորմատիվների պահպանման ուղղությամբ։ Իրականացված աշխատանքների մասին պարբերաբար ներկայացնել հաշվետվություն Կառավարության աշխատակազմ»,- հավելեց վարչապետը:
