09.06.2026 | 11:02
Վահագն Ալեքսանյանի ճեպազրույցը՝ ՈՒՂԻՂ
Լեհ-բելառուսական սահմանին ներգաղթյալների ճամբարը դատարկվել է․ ՏԵՍԱՆՅՈՒԹ
Քաղաքականություն
19.11.2021 | 17:04
Լեհաստանի սահմանապահ ծառայությունը հայտարարել է, որ ներգաղթյալները լքել են Բելառուսի տարածքում «Կուզնիցա-Բրուզգի» հսկիչ անցակետի մոտակայքի անտառում հիմնած ճամբարը, գրում է BBC-ի ռուսական ծառայությունը։
Մինչև վերջերս այստեղ ապրում էին մի քանի հարյուր միգրանտներ Մերձավոր Արևելքի երկրներից՝ հույս ունենալով տեղափոխվել Լեհաստան։ Ժամանակ առ ժամանակ նրանք փորձում էին ճեղքել սահմանային պատնեշները, ինչը հանգեցրել է թեժ բախումների։
Սակայն հինգշաբթի Բելառուսի իշխանությունները մոտ հազար ներգաղթյալների տեղափոխել են սահմանի մոտ տեղակայված տրանսպորտային-լոգիստիկ կենտրոն։ Լեհաստանի սահմանապահ ծառայությունը Twitter-ում հրապարակել է կադրեր, որոնցում երևում է դատարկ ճամբարը և թե ինչպես են մի խումբ մարդիկ քայլում դեպի կենտրոն տանող ճանապարհով:
Նույն օրը Իրաք է վերադարձել նաև շուրջ 400 ներգաղթյալ, որոնց հետևից Մինսկ էր մեկնել Իրաքի ավիաուղիների ինքնաթիռը։
Մանրամասները՝ տեսանյութում։
Dziś koczowisko w pobliżu przejścia granicznego w Bruzgach opustoszało. Służby białoruskie🇧🇾 skierowały cudzoziemców do centrum transportowo-logistycznego znajdującego się kilkaset metrów dalej.#zgranicy pic.twitter.com/EfqAztxU3Q
— Straż Graniczna (@Straz_Graniczna) November 18, 2021
Տաթև Ֆռանգյան
