27.10.2026 | 17:45
«Այ մարդ, դե սուս մնա, հանգստացի»․ ԱԺ-ում իրավիճակը մի պահ լարվեց․ ՏԵՍԱՆՅՈՒԹ
ՌԴ-ն անելիք ունի և չդիմելու պարագայում էլ պետք է համագործակցությունն իրականություն դառնար. Քոչարյան․ ՏԵՍԱՆՅՈՒԹ
Քաղաքականություն
19.11.2021 | 12:27
Հայաստանը դիմել է Ռուսաստանին՝ ստանալու համար աջակցություն, որպեսզի առաջին հերթին վերականգնվի ՀՀ տարածքային ամբողջականությունը, և հենց այս կոնտեքստում է պետք դիտարկել ՌԴ առաջարկը։ Խորհրդարանական ճեպազրույցների ժամանակ այս մասին ասաց ԱԺ «Քաղաքացիական պայմանագիր» խմբակցության պատգամավոր Էդուարդ Աղաջանյանը՝ ՌԴ-ից ստացված դեմարկացիայի վերաբերյալ առաջարկի մասին հարցին ի պատասխան։
«Այս գործընթացի արդյունքում ակնկալվում է, որ այդ խնդիրը կլուծվի, և ՀՀ տարածքային ամբողջականությունը կվերականգնվի։ Հետևաբար՝ ինքնանպատակ չէ Ռուսաստանի ռազմական օգնությունը կամ ռազմական միջամտությունը»,- ասաց նա։
ՔՊ խմբակցության պատգամավոր Անդրանիկ Քոչարյանի խոսքով էլ՝ գոյություն ունի ՀՀ-ՌԴ ռազմաքաղաքական համաձայնագիր, բացի այդ՝ Ռուսաստանը հրադադարի ռեժիմի պահպանման երաշխավորն է։
«Եվ հենց դրա համար էլ Ռուսաստանն անելիք ունի, և նույնիսկ չդիմելու պարագայում էլ այդ համագործակցությունը պետք է իրականություն դառնար։ Չնայած տեսնում եք, որ վերջին օրերին ինչպիսի շահարկում է գնում, որ Ռուսաստանին մենք պահանջներ ենք ներկայացնում։ Մենք պահանջ չենք ներկայացնում, պարզապես ուզում ենք, որպեսզի պայմանագրի բոլոր կետերը ճիշտ ժամանակին իրականություն դառնան»,- հավելեց Քոչարյանը։
Մանրամասները՝ տեսանյութում։
