15.01.2025 | 13:51
Զառիթափ բնակավայրում և տեղի միջնակարգ դպրոցում գործարկվելու է էլեկտրական շչակ
Բանակցությունները հանրային չեն լինում, գաղտնի են լինում. Մոսկվայի առաջարկների մասին վաղ է խոսել․ ՏԵՍԱՆՅՈՒԹ
Քաղաքականություն
19.11.2021 | 12:21
ԱԺ ճեպազրույցների ժամանակ ՔՊ պատգամավոր Էդուարդ Աղաջանյանն անդրադարձավ սահմանազատման և սահմանագծման աշխատանքների վերաբերյալ ՌԴ-ից ստացած առաջարկներին: Նա ասաց, որ հայկական կողմը գրավոր տվել է իր համաձայնությունը այդ առաջարկներին ու այն պահին, երբ որոշակի տեխնիկական հարցերի վերաբերյալ ձեռք կբերվի համաձայնություն, ՀՀ-ն պատրաստ է սկսել հանձնաժողովի ձևավորման գործընթացը և անցնել աշխատանքներին:
Հարցին՝ ինչպես 2013-ին Սերժ Սարգսյանից անակնկալ կերպով իմացանք, որ հայ ժողովուրդն ուզում է ԵԱՏՄ մաս կազմել, այնպես էլ երեկ նույն կերպով Նիկոլ Փաշինյանից անակնկալ կերպով իմացանք, որ Հայաստանը իր համաձայնությունը տվել է Մոսկվայից իջեցված առաջարկներին, ինչո՞ւ հանրությանը մանրամասներ չեն փոխանցվում, ու երբ Փաշինյանն ասում է՝ Հայաստանն իր համաձայնությունը տալիս է, ո՞ւմ հետ է քննարկել, ովքե՞ր են այդ համաձայնությունը տվել՝ Աղաջանյանը պատասխանեց. «Համեմատությունը բացարձակ տեղին չէ: Երկրորդը՝ վարչապետը բազմիցս արտահայտել է, որ ՀՀ-ն հետաքրքրված ու շահագրգռված է այս գործընթացը սկսելու մեջ, խոսքը գնում է սահմանազատման և սահմանագծման մասին: Վարչապետն ինչպես հայտարարել է, Հայաստանը ընդունել է այդ առաջարկը և գրավոր ծանուցել համաձայնության մասին
ՔՊ պատգամավոր Արթուր Հովհաննիսյանը հավելեց. «Դուք գիտե՞ք պրակտիկայում որևէ դեպք, երբ բանակցությունները, մանավանդ այս բնույթի, տեղի են ունենում հանրային: Մենք պետք է հասկանանք ինչ իրավիճակի հետ գործ ունենք՝ ինչ կարևորության, ինչ նրբությունների: Գործ ունենք մարդկային կյանքերի հետ: Լարված իրավիճակ էր ու ցանկացած քննարկման ցանկացած դրվագ կարևոր է, որ չխոչընդոտվեն»: Ըստ Արթուր Հովհաննիսյանի, երկրի ներսում կան բազմաթիվ խմբեր, խմբակներ, որոնք ամեն ինչ անում են՝ գործընթացը խաթարելու և ներքաղաքական դիվիդենտներ շահելու համար:
ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանն էլ ասաց. «Գաղտնիությունը խիստ անհրաժեշտ է, որովհետև դա առնչվում է սահմանում տեղակայված ուժերի դասավորությանը: Դա պետք է արվի շատ զգույշ, որպեսզի նոր կրակելու օջախներ չառաջանան»:
Մանրամասները՝ տեսանյութում:
