11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
ԱՄՆ-ը նոր պատժամիջոցներ է սահմանել Իրանի դեմ․ Թեհրանն արդեն արձագանքել է
Քաղաքականություն
19.11.2021 | 13:58
Միացյալ Նահանգները նոր պատժամիջոցներ է կիրառել իրանական Emennet Pasargad կիբեր ընկերության և նրա վեց աշխատակիցների նկատմամբ՝ 2020 թվականին ԱՄՆ նախագահական ընտրությունների վրա ազդելու փորձի համար։ Այս մասին հայտնել է ԱՄՆ Ֆինանսների նախարարությունը։
«ԱՄՆ Ֆինանսների նախարարության օտարերկրյա ակտիվների վերահսկման վարչությունը պատժամիջոցների ցուցակում է ներառել 6 իրանցի ֆիզիկական անձանց և 1 իրավաբանական անձի՝ 2020 թվականի ԱՄՆ ընտրությունների վրա ազդելու փորձի համար»,- ասված է հայտարարության մեջ։
Իրանն իր հերթին դատապարտել է Միացյալ Նահանգների կողմից կիրառված պատժամիջոցները։ Mehr-ի հաղորդմամբ՝ Իրանի ԱԳՆ պաշտոնական ներկայացուցիչ Սաիդ Խաթիբզադեն հայտարարել է, որ այս պատժամիջոցները ԱՄՆ նախկին նախագահ Դոնալդ Թրամփի քաղաքականության շարունակությունն է։
«Իրանը Միացյալ Նահանգների կողմից նոր պատժամիջոցները դիտարկում է որպես [ԱՄՆ նախկին նախագահ Դոնալդ] Թրամփի տապալված քաղաքականության շարունակություն, դատապարտում է դրանք և անօրինական է համարում այդ գործողությունը»,- ասել է Խաթիբզադեն։
Տաթև Ֆռանգյան
