19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Ուժի կիրառման սպառնալիքի տակ է ՀՀ֊ն մտնում դեմարկացիայի գործընթացի մեջ. Մամիջանյան․ ՏԵՍԱՆՅՈՒԹ
Քաղաքականություն
19.11.2021 | 12:16
Փաստացի ուժի կիրառման սպառնալիքի տակ է Հայաստանը մտնում դելիմիտացիայի ու դեմարկացիայի գործընթացի մեջ, ԱԺ ճեպազրույցների ժամանակ ասաց «Պատիվ ունեմ» խմբակցության քարտուղար Հայկ Մամիջանյանը։
«Չենք կարող գնահատական տալ մի գործընթացի, որի մասին որևէ տեղեկատվություն տրամադրված չէ։ Ի՞նչ տրամաբանությամբ է իրականացվելու այդ դեմարկացիան, էդ ո՞նց է ստացվում, որ փաստացի ուժի կիրառման սպառնալիքի տակ է Հայաստանը մտնում դեմարկացիայի գործընթացի մեջ։ Ի՞նչ պայմաններով, ինչի՞ դիմաց, ի՞նչ գաղտնի պայմանավորվածության։
Հիշեցնեմ՝ էն իրավիճակը, որը մենք հիմա ունենք Սյունիքում, անցյալ տարի, ինչպես Նիկոլ Փաշինյանն ինքն ընդունեց, իր միանձնյա հրամանի արդյունքում է՝ զորքերի նահանջի հրամանի։ Նույնիսկ տնային աշխատանքը կատարելիս է թերանում իշխանական խունտան։ Այդ ո՞նց է ստացվում, որ գրեթե մեկ տարի իշխանական թիմն ուսումնասիրում է խորհրդային քարտեզներ հասկացությունը, եզրույթը, բայց երեկ հայտնի դարձավ, որ Գորիս-Կապան ճանապարհը գնվում էր Սովետական Հայաստանի սահմաններում։ Առկա է փասատթուղթ՝ Քոչինյանի ստորագրությամբ, որը ենթադրվում է, որ ունի նաև վերադասի հիմք, նկատի ունեմ Սովետական իշխանությունների հիմք։ Էդ ո՞նց է, որ գիտական հանրույթին, փորձագիտական խմբերին հաջողվում է գտնել այդ փաստական հիմքերը, իսկ իշխանական ապարատը դա չեն կարողանում անել»,- նշեց Մամիջանյանը։
Նրա դիտարկմամբ՝ Նիկոլ Փաշինյանի բանակցությունները հակահայկական, հակապետական ու հայրենադավ արդյունք ունեն։
Մանրամասները՝ տեսանյութում:
