15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Արմեն Սարգսյանի երդման տեքստը խիստ լակոնիկ է ու կտարբերվի նախորդներից. «Հրապարակ»
05.04.2018 | 08:52
«Հրապարակ» թերթը գրում է.
Տարբերվո՞ւմ է 4-րդ նախագահի երդման տեքստը նախորդների երդման տեքստից՝ հարցրինք սահմանադրագետներից մեկին։ «Անշուշտ, կիսանախագահական կառավարման ժամանակ նախագահը կարող էր նաև կուսակցական լինել, չնայած 2005-ի Սահմանադրության վրա աշխատելիս Ռոբերտ Քոչարյանն ասաց, որ բոլոր դեպքերում պետք է նախագահը լինի անկուսակցական, և մինչև վերջ պահեց այդ սկզբունքը։Նոր Սահմանադրությամբ՝ նախագահի երդման տեքստը կառուցված է նախ այդ` անկուսակցական, ապա մնացյալ սկզբունքների վրա․ եթե համեմատեք տեքստերը, կզգաք տարբերությունը»:
Ի դեպ, նոր նախագահի երդման տեքստն առավել քան լակոնիկ է, և Արմեն Սարգսյանի երդմնակալության բուն արարողությունը տևելու է րոպեներ:
Եթե նախորդների տեքստում ամրագրված էր` «Հարգել մարդու և քաղաքացու իրավունքներն ու ազատությունները, ապահովել հանրապետության անկախությունը, տարածքային ամբողջականությունը և անվտանգությունը», նոր տեքստում ընդամենը բարի ցանկություն կա` «լիազորություններն իրականացնելիս լինել անաչառ, առաջնորդվել միայն համապետական ու համազգային շահերով և ողջ ուժը ներդնել ազգային միասնության ամրապնդման գործում»:
Առավել մանրամասն՝ թերթի այսօրվա համարում:
