Քաղաքականություն
18.11.2021 | 18:17Factor TV-ն զրուցել է «Ազատ քաղաքացի» ՀԿ ղեկավար Հովսեփ Խուրշուդյանի հետ
-Պարո՛ն Խուրշուդյան, Դուք տեսակետ եք հայտնում, որ դեռ մայիսին ադրբեջանական սադրանքի ժամանակ պիտի ՀՀ-ն պատասխաներ կրակով, այդ դեպքում չէր լինի նաև այս օրերի սադրանքները։ Բայց ես ուզում եմ հիշեցնել Նիկոլ Փաշինյանի բացատրությունը, որ ՀԱՊԿ-ից են մեզ հորդորել չկրակել։ Ինչպե՞ս եք սա մեկնաբանում։
-Ռուսաստանն այն ժամանակ էլ էր շահագրգռված ռազմական էսկալացիայով, բայց շահագրգռված էր ՀՀ իշխանությունների վրա ճնշմամբ։ Այս դեպքում, երբ մենք արդեն դիմադրում ենք, նա առավել ևս շահագրգռված չէ էսկալացիայով, որովհետև ինչքան էլ ինքը ինտերպրետացիա անի, որ տեսեք՝ մեր խաղաղապահների կարիքն ինչքան կա, մեր դիրքերն ամրապնդենք ու ավելի մնանք, բայց դա լրիվ հակառակն է նշանակում։ Իրականում դա նշանակում է, որ ինքն իր պարտականությունները չի կատարում։ Ինքն է նոյեմբերի 9-ի համաձայնության հովանավորը, իր վրա ինքն է վերցրել մենաշնորհը, ինչի մեջ իրեն մեղադրում են եռանախագահողները, և իր արդարանալու միակ ձևը պիտի լիներ այն, որ ապահովեր իր ստանձնածը։ Բայց ՌԴ-ն չի կարողանում ապահովել ո՛չ խաղաղությունն Արցախում՝ մեր խաղաղ բնակիչներին սպանում են, նաև՝ հայ-ադրբեջանական սահմանին, ո՛չ կոմունիկացիաներն են բացվում, ոչ մի բան չի կատարվել այդ փաստաթղթից։ Բացի այն, որ հայկական զորքերին ստիպել է դուրս գալ Քարվաճառից, Աղդամից ու Լաչինից, ուրիշ ոչ մի բան չի արել։
Նույնիսկ չի ապահովել այն կետը, որտեղ մենք կանգնած էինք՝ Խծաբերդը։ Խլեցին մեր ձեռքից Խծաբերդը, մի բան էլ շառ արեցին, որ ձեր զորքերն են մտել Ադրբեջանի պատասխանատվության գոտի, և Լավրովն էլ հաստատեց դա փաստորեն։ Դա դավաճանությունից էլ այն կողմ բան էր՝ սարքեցին ՀՀ-ի գլխին, որ ասեն՝ պատերազմից հետո են գերեվարվել, հայերն են մեղավոր, իրենք են մտել ուրիշի պատասխանատվության գոտի։ Էլ չեմ խոսում նրա մասին, որ Գորիս-Կապանի մի քանի հատված տրվեց Ադրբեջանին, երբ նման բան նախատեսված չէր նոյեմբերի 9-ի հայտարարությամբ։ Ինքը կատարել է բոլոր պահանջները, որ ներկայացրել է Ադրբեջանը, և չի ապահովել տարածաշրջանի անվտանգությունը, որի երաշխավորն ինքն էր։
Հարցազրույցն ամբողջությամբ՝ տեսանյութում։
Ռոբերտ Անանյան
