24.06.2026 | 05:04
ԱԱ-2026. Խորվաթիան տարավ առաջին հաղթանակը. ՏԵՍԱՆՅՈՒԹ
Թուրք-քրդական բախումներ Դիարբեքիրում և Իգդիրում
Քաղաքականություն
04.04.2018 | 20:37
Թուրքիայի Դիարբեքիր և Իգդիր նահանգներում բախումներ են տեղի ունեցել քուրդ զինյալների և թուրք ուժայինների միջև. տեղեկացնում է ermenihaber-ը:
Ապրիլի 3-ին Դիարբեքիրի Քուլփ շրջանում «Քուրդիստանի բանվորական կուսակցության» (ՔԲԿ-PKK) զինյալների հարձակման հետևանքով սպանվել է գյուղի անվտանգության մեկ աշխատակից, վեց հոգի էլ վիրավորվել է, որոնցից երկուսի վիճակը ծանր է։
Քուրդ զինյալների հարձակումից հետո տարածքում թուրքական ուժերի կողմից սկսվել է լայնամասշտաբ գործողություն։
Ապրիլի 4-ին առավոտյան էլ քուրդ գրոհայինները Թուրքիայի Իգդիր նահանգում հարձակվել են թուրք-իրանյան սահմանին տեղակայված գումարտակներից մեկի վրա։ Դրա հետևանքով վիրավորվել է 2 թուրք զինվոր, որից 1-ի վիճակը ծանր է։
Հարձակումն իրականացնելուց հետո քուրդ զինյալները նահանջել են լեռներ։
Հիշեցնենք, որ PKK-ն Թուրքիայի կողմից համարվում է ահաբեկչական կազմակերպություն։ Վերջինիս դեմ գործողություններն իրականացվում են ինչպես Թուրքիայում, այնպես էլ Իրաքի Քանդիլ շրջանում, որտեղ գտնվում է PKK-ի գլխավոր ռազմաբազան։
