25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Զախարովան՝ Թուրքիայի կողմից Ադրբեջանի գործողություններին աջակցություն ցուցաբերելու մասին
Քաղաքականություն
17.11.2021 | 20:09
Մենք կատարում ենք տարածաշրջանում միջնորդի մեր դերը, որի նպատակն է խաղաղարար գործունեությունը, այս մասին հայտարարել է ՌԴ ԱԳՆ ներկայացուցիչ Մարիա Զախարովան իր ամենշաբաթյա ճեպազրույցի ժամանակ։
«Մենք կատարում ենք տարածաշրջանում միջնորդի մեր դերը, որի նպատակն է խաղաղարար գործունեությունը։ Մենք գիտենք, որ յուրաքանչյուր պետություն ունի իր շահերը, նրանց նպատակներն ինչ-որ տեղ հակասում են մեր պատկերացումներին, ինչ-որ տեղ՝ համընկնում։ Այս դեպքում մենք գիտենք՝ ինչ էր պետք արտահերթ անել, որպեսզի իրավիճակը չխորանար, որպեսզի իրավիճակը վերադառնար խաղաղ հուն։ Մենք կենտրոնացած ենք դրա վրա։ Երևի վերլուծություն կարվի, սակայն դա երկրորդական է, առաջնայինը իրավիճակի հանդարտեցման կոնկրետ քայլերն են, ինչով էլ զբաղված են մեր պրոֆիլային գորատեսչություններն ու, նախ և առաջ, մեր նախագահը»,- հայտարարել է Մարիա Զախարովան՝ պատասխանելով հարցին, թե ինչպես է Մոսկվան վերաբերում Թուրքիայի կողմից Ադրբեջանի գործողությունների լիակատար աջակցությանը, մասնավորապես՝ վերջին ռազմական գործողությունների ընթացքում։
Մեկնաբանելով Արցախում շինաշխատանքներ կատարող հայ երիտասարդի սպանության ու ևս 3 քաղաքացու վիրավորման դեպքը՝ ՌԴ ԱԳՆ ներկայացուցիչը հայտարարել է․ «Մենք գնահատականներ տալիս ենք։ Հասկացե՛ք, ոչ բոլոր գնահատականներն են հրապարակային տրվում, շատ բաներ ասվում է անմիջապես կողմերին՝ ելնելով այն բանից, որ այս կամ այն դեպքում դա ավելի արդյունավետ կլինի»։
Տաթև Ֆռանգյան
