29.06.2026 | 15:56
Դնեպրին ռուսական հարվածի հետևանքով 5 մարդ զոհվել է, 21-ը՝ վիրավորվել
Շվեդիան պատրաստ է զորք ուղարկել Ուկրաինա
Քաղաքականություն
17.11.2021 | 19:50
Շվեդիայի պաշտպանության նախարար Փիթեր Հուլտքվիստը պատրաստ է զորք ուղարկել Ուկրաինա՝ ԵՄ գլխավորած ուսումնական առաքելության շրջանակում։ Այս մասին նա հայտնել է շվեդական Sveriges Radio (SR) ռադիոկայանի եթերում, փոխանցում է DW-ի ռուսական ծառայությունը։
«Մենք այն դիտարկում ենք որպես ԵՄ նպատակների շրջանակում Ուկրաինայի անվտանգության և ինքնիշխանության խթանման շատ կարևոր մաս»,- ասել է պաշտպանության գերատեսչության ղեկավարը։
Աղբյուրի փոխանցմամբ՝ նման առաքելության առաջարկը եղել է Բալթյան երկրներից։ Պատճառն Ուկրաինայի հետ սահմանին լարվածության աճն է, որի մոտակայքում, ըստ Politico ամսագրի, ավելացել է ռուսական բանակի ստորաբաժանումների կենտրոնացումը։
Շվեդիայի պաշտպանության նախարարը չի մանրամասնել, թե ինչպիսին է լինելու ուսումնական առաքելությունը և որքանով է դրան նպաստելու Ստոքհոլմը։
«Իհարկե, մենք պետք է բաց լինենք, որպեսզի կարողանանք խաղալ մեր դերը, եթե մենք առաջ տանենք այս հարցը և հավատանք, որ պետք է աջակցենք դրան»,- հայտարարել է Հուլտքվիստը:
Տաթև Ֆռանգյան
