25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
Մշտական կապի մեջ ենք կողմերի հետ՝ իրավիճակը շուտափույթ խաղաղ ճանապարով լուծելու համար․ ՌԴ ԱԳՆ-ն՝ Արմեն Գրիգորյանի հայտարարությանն ի պատասխան
Քաղաքականություն
16.11.2021 | 21:12
Արմեն Գրիգորյանի հայտարարության առիթով Factor.am-ը հարցում էր ուղարկել ՌԴ արտաքին գործերի նախարարությանը՝ պարզելու, թե ինչպես է Մոսկվան արձագանքում այն հանգամանքին, որ Հայաստանը դիմում է Ռուսաստանին իր տարածքային ամբղջականությունը պաշտպանելու կոչով։
ՌԴ ԱԳՆ-ից Factor.am-ին փոխանցեցին հետեւյալը․ «Մշտական կապի մեջ ենք կողմերի հետ՝ իրավիճակը շուտափույթ խաղաղ ճանապարով լուծելու համար»։ Հիշեցնենք, «Առաջին ալիքի» եթերում Անվտանգության խորհրդի քարտուղար Արմեն Գրիգորյանը հայտարարել էր, որ Հայաստանը դիմում է Ռուսաստանի Դաշնությանը՝ 1997 թվականից երկու երկրների միջև գործող պայմանագրի համաձայն պաշտպանելու մեր երկրի տարածքային ամբողջականությունը, քանի որ հարձակում է եղել Հայաստանի սուվերեն տարածքի վրա։
«Սա բանավոր դիմում է, որը նաև գրավոր ընթացակարգ է ունենալու, բայց մենք ուզում ենք հանրությանը և մեր գործընկերներին տեղեկացնել, որ այսպիսի գործընթաց ենք սկսում», – նշել էր նա։
Հռիփսիմե Հովհաննիսյան
