Օղակաձև զբոսայգում բացվեց Հայաստանում առաջին սքեյթ-պարկը․ պատանի սքեյթերները ոգևորված են․ ՏԵՍԱՆՅՈւԹ

Երևանի օղակաձև զբոսայգում այսօր պաշտոնապես բացվել է Հայաստանում առաջին սքեյթ-պարկը՝ հնարավորություն ստեղծելով սքեյթի սիրահարների համար իրենց հնարքներն իրականացնելու ամենալավ պայմաններում։

Երևանի սքեյթ-խաղահրապարակը համապատասխանում է միջազգային չափանիշներին, այն ունի ամֆիթատրոն հանդիսատեսի համար, բուժկետ, սանհանգույց։ Այստեղ հնարավոր է նաև հեծանիվ, անվաչմուշկ և ինքնագլոր վարել։

Բացմանը սքեյթ հրապարակում տարբեր հնարքներ փորձարկող երեխաները շատ ոգևորված ու ուրախ են, խոստանում են՝ հաճախ գալ ու մարզվել։ Սքեյթի սիրահարների համար խաղահրապարակը շատ սպասված էր։

Սքեյթ-պարկը մայրաքաղաքին ու նրա բնակիչներին է նվիրել Ուկրաինայի հայերի միությունը, որը Երևանում նշում է հիմնադրման 20-ամյակը։

«Հնարավորությունները կտեսնենք, բայց քանի որ օլիմպիական ձև է դարձել սքեյթբորդինգը, պիտի որ հայկական թիմի սկիզբը լինի: Հուսով եմ՝ այս անկյունը կդառնա առողջ կյանքի անկյուն, ճիշտ ապրելաձևի անկյուն»,- ասում է Ուկրաինայում հայկական համայնքի նախագահ Վիլեն Շատվորյանը։

Մանրամասները՝ տեսանյութում։

Սիլվի Պետրոսյան

This publication was produced with the financial support of the European Union. Its contents are the sole responsibility of Factor TV and do not necessarily reflect the views of the European Union.

Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում Factor TV-ին, և պարտադիր չէ, որ այն արտահայտի Եվրոպական միության տեսակետները:

@Factor TV 2021. All rights reserved. Licensed to the European Union under conditions.

Պատրաստվել է «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցումը» ծրագրի շրջանակում: