22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Սյունիքի երկու գյուղերում ՔՊ-ն 0 ձայն է ստացել
Քաղաքականություն
14.11.2021 | 22:25
Սյունիքի մարզի Կապան խոշորացված համայնքի ընտրատեղամասերում շարունակվում է քվեների հաշվարկը։ Մի քանիսում, սակայն, հաշվարկն արդեն իսկ ավարտվել է։ Հատկանշական է, որ երկու գյուղերում իշխող «Քաղաքացիական պայմանագիր» կուսակցությունը 0 ձայն է ստացել։
Այսպես. Հունուտ գյուղում ՔՊ-ի օգտին որևէ քաղաքացի չի քվեարկել, իսկ «Շանթ» դաշինքը ստացել է 46 ձայն: Վանեք գյուղում նույնպես իշխող ուժը 0 ձայն է ստացել, իսկ «Շանթ» դաշինքը՝ 42։
Իշխող ուժի թեկնածուն ՔՊ-ի ընտրացուցակով ԱԺ պատգամավոր ընտրված Դավիթ Դանիելյանն է, «Շանթ դաշինքի» թեկնածուն՝ գործող համայնքապետ Գևորգ Փարսյանը։
Հիշեցնենք, որ այսօր՝ նոյեմբերի 14-ին, 4 մարզերի 5 համայնքներում կայացան ՏԻՄ ընտրություններ։ Համամասնական ընտրակարգով ընտրություններ էին Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքներում։ Իսկ մեծամասնական ընտրակարգով ընտրություններ անցկացվեցին Կոտայքի մարզի Արզնի և Լոռու մարզի Լերմոնտովո համայնքներում։
ՏԻՄ ընտրություններ կկայանան նաև դեկտեմբերի 5-ին 9 մարզերի 36 համայնքներում։
Մերի Մարտիրոսյան
