09.06.2026 | 00:17
Մարկո Ռուբիոն շնորհավորել է Փաշինյանին
ԵՄ ներկայացուցիչը մտահոգություն է հայտնել Հայաստանի և Ադրբեջանի միջև լարվածության աճի կապակցությամբ
Քաղաքականություն
14.11.2021 | 21:57
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը մտահոգություն է հայտնել Հայաստանի և Ադրբեջանի միջև լարվածության աճի կապակցությամբ:
«Մտահոգված եմ այս շաբաթ Հայաստանի և Ադրբեջանի միջև լարվածության աճով։ Կարևոր է վերացնել, հասցեագրել պատճառները և մասնակցել համապարփակ կարգավորման աշխատանքին», – Twitter-ում գրել է Կլաարը։
Ինչպես արդեն տեղեկացրել ենք, այսօր՝ ժամը 13։00-ի սահմաններում, ադրբեջանական ԶՈւ ստորաբաժանումները փորձել են դիրքային առաջխաղացում ապահովել հայ-ադրբեջանական սահմանի արևելյան ուղղությամբ։ Պաշտպանության նախարարությունը տեղեկացրել էր, որ սկսվել է ինտենսիվ փոխհրաձգություն։ Հայ դիրքապահները կանխել են հակառակորդի փորձերը՝ դիրքավորվելու այդ տարածքում։
ՀՀ ՊՆ-ից հայտնել են, որ ժամը 19։00-ի դրությամբ՝ իրադրությունը հայ-ադրբեջանական սահմանի արևելյան ուղղությամբ, որտեղ այսօր ադրբեջանական ԶՈՒ ստորաբաժանումները փորձել էին դիրքային առաջխաղացում ապահովել, հարաբերականորեն կայունացել է, կրակոցներ չկան։ Ընթանում են բանակցություններ՝ իրադրության հանգուցալուծման նպատակով։ Հայկական կողմից տուժածներ չկան։
