22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Նոր պատերազմն ամբողջ ՀՀ-ով ու ողջ զինանոցով պիտի լինի․ Արամ Սարգսյան
Քաղաքականություն
13.11.2021 | 20:23
«Սիրելի՛ աբովյանցիներ, մենք կարող ենք բազմաթիվ փորձություններ հաղթահարել, բազմաթիվ խնդիրներ լուծել, կարող ենք, եթե ինքներս հավատանք մեր ուժերին»,- այս մասին այսօր հայտարարել է «Հանրապետություն» կուսակցության նախագահ Արամ Սարգսյանը Աբովյանում նախընտրական հանդիպման ժամանակ։
Սարգսյանը հայտարարել է, որ պարզապես պետք է հավատալ սեփական ուժերին․
«Ի՞նչ է պետք անել դրա համար․ նախ, պիտի ներդաշնակենք մեր արտաքին քաղաքականությունը, ներգրավենք աշխարհաքաղաքական այլ խաղացողների, որովհետև ռուսական զինվորը ոչ թե Արցախը պաշտպանելու համար է, այլ ռուս-թուրքական պայմանավորվածության շրջանակներում իր՝ Կովկասում լինելու խնդիրն ապահովելու համար»,- ասել է Սարգսյանը։
Նա նշել է, որ այդ խաղացողները պետք է լինեն Արցախի բանակցային գործընթացում ԵԱՀԿ Մինսկի խմբում ներկայացված պետությունները, մասնավորապես՝ Ֆրանսիան ու ԱՄՆ-ը։
«Մենք պիտի սպառազինենք մեր բանակը նոր տեխնոլոգիական զենքերով, ունենք դրա պոտենցիալն ու հնարավորությունները, կարող ենք հզոր ու ամուր բանակ ունենալ, պիտի պատրաստվենք ու պատրաստ լինենք պատերազմի։ Եթե նոր պատերազմ լինի՝ պիտի լինի ամբողջ Հայաստանով և ողջ զինանոցով․ միայն սա է, որ կկանգնեցնի Ադրբեջանի՝ ամեն ինչ մեզանից խլելու անասնական մոլուցքը»,- ընդգծել է Սարգսյանը։
«Հանրապետություն» կուսակցության նախագահը քաղաքացիներին հորդորել է մասնակցել ՏԻՄ ընտրություններին։
Արփի Հակոբյան
