16.01.2025 | 12:54
Վորոնեժի նահանգապետը հայտարարել է ԱԹՍ-ի հարվածից հետո նավթի պահեստում բռնկված հրդեհի մասին
ԱՄՆ պետքարտուղարը հայտարարել է, որ ՌԴ ԶՈՒ-ն անկանոն գործողություններ է իրականացնում Ուկրաինայի հետ սահմանին
Քաղաքականություն
12.11.2021 | 21:49
ԱՄՆ պետքարտուղար Էնթոնի Բլինքենը հայտարարել է, որ Ռուսաստանի ԶՈՒ-ն Ուկրաինայի հետ սահմանին անկանոն գործողություններ է իրականացնում, գրում է ՏԱՍՍ-ը։
«Մենք անհանգստացած ենք ռուսական ուժերի որոշ անկանոն գործողություններով, որոնք մենք դիտարկում ենք Ուկրաինայի հետ սահմանին»,- ասել է Բլինքենը Վաշինգտոնում Կատարի ԱԳ նախարարի հետ համատեղ մամուլի ասուլիսում։
Նա նշել է, որ Ռուսաստանի մտադրությունների մասին չի կարող խոսել, քանի որ չգիտեն, թե դրանք ինչ են ենթադրում։
«Կա և՛ Ուկրաինայի, և՛ Ռուսաստանի կողմից համաձայնեցված գործընթաց՝ Մինսկի գործընթացը, որը շարունակում է հնարավորություն ընձեռել տարաձայնությունների կարգավորման և Ուկրաինայի տարածքների օկուպացիայի վերացման համար։ Մենք նաև հուսով ենք, որ կողմերը կվերահաստատեն իրենց հավատարմությունը դրան և կձեռնարկեն անհրաժեշտ քայլեր՝ սա իրականություն դարձնելու համար»,- ասել է Բլինքենը։
Նա նաև հայտնել է, որ ԱՄՆ-ն ուսումնասիրում է Բելառուսի նկատմամբ տարբեր գործիքների կիրառման հնարավորությունը, սակայն հիմա որևէ պատժամիջոցի մասին չի հայտարարի։
Էմմա Չոբանյան
