22.08.2026 | 21:13
Դիլիջան-Վանաձոր ճանապարհին ավտոմեքենան դուրս է եկել երթևեկելի հատվածից և բախվել հողաթմբին
Ադրբեջանի ԶՈւ բանակային կորպուսի հրամանատարի զրահամեքենան Ակնայում պայթել է ականի վրա
Քաղաքականություն
11.11.2021 | 19:37
Ադրբեջանական լրատվամիջոցներում վերջին օրերին ակտիվորեն քննարկվում է նախագահ Իլհամ Ալիևի՝ զինվորականների հետ հայկական Շուշիում կայացած հանդիպմանը բանակային 1-ին կորպուսի հրամանատար, գեներալ-մայոր Հիքմեթ Հասանովի բացակայությունը։
Bizimxeber.az-ի հետ զրույցում ադրբեջանցի գեներալը խոսել է միջոցառմանն իր բացակայության պատճառների մասին։ Նա պատմել է, որ ներկայում բուժում է անցնում զինվորական հոսպիտալում։
«2020 թվականի նոյեմբերի 10-ի եռակողմ հայտարարության ստորագրումից հետո Աղդամի (Ակնա) վերադարձի գործողության ժամանակ իմ զրահամեքենան պայթել է ականի վրա։ Արդյունքում ստացել եմ տարբեր վնասվածքներ, ներկայում սիստեմատիկ բուժում եմ անցնում»,- ասել է Հասանովը։
Նշենք, որ Հասանովի զրահամեքենան, ամենայն հավանակությամբ, պայթել է վերջին ամիսներին։ Մասնավորապես, այս տարվա հունիսին գերենալ Հիքմեթ Հասանովը ադրբեջանական ԶԼՄ-ի ներկայացուցիչներին ծանոթացնում էր հենց Արցախի գրավյալ Ակնայում նոր բացված մոդուլային տիպի զորամասերին ու այնտեղ ստեղծված պայմաններին։
Էմմա Չոբանյան
