16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ԵՄ-ն պատասխանել է Լուկաշենկոյի՝ գազի տարանցումը դադարեցնելու սպառնալիքներին
Քաղաքականություն
11.11.2021 | 19:10
Եվրամիությունը պատասխանել է Ալեքսանդր Լուկաշենկոյի՝ Բելառուսի տարածքով գազի մատակարարումը դեպի Եվրոպա դադարեցնելու մասին սպառնալիքին, գրում է korrespondent-ը։
«Գազի մատակարարման հարցում մենք պետք է առավելագույնս օգտագործենք մեր հարաբերությունները մատակարարող երկրների՝ աֆրիկյան պետությունների, Նորվեգիայի, Ռուսաստանի հետ, և թույլ չենք տա Լուկաշենկոյին վախեցնել մեզ իր սպառնալիքներով»,- ասել է տնտեսական հարցերով եվրահանձնակատար Պաոլո Ջենտիլոնին։
Նա հաստատել է, որ ԵՄ երկրներին գազի մատակարարումների անվտանգությունը ներառվելու է Միության առաջնային պաշտպանական հայեցակարգում, որը կհաստատվի 2022 թվականին։
Հիշեցնենք, որ այսօր Ալեքսանդր Լուկաշենկոն Բելառուսի ԱԳ նախարարությանը հանձնարարել է զգուշացնել ԵՄ-ին, որ պատժամիջոցների նոր փաթեթի կիրառման դեպքում Մինսկը կդադարեցնի գազի տարանցումը Եվրոպա։
Տաթև Ֆռանգյան
