07.11.2024 | 14:46
ԿԸՀ-ն մեկ ամսում կստուգի ստորագրությունները և կհրապարակի արդյունքները
Մոսկվայում ՌԴ-ի և ԱՄՆ-ի հատուկ ներկայացուցիչները բանակցություններ կանցկացնեն Աֆղանստանում տիրող իրավիճակի վերաբերյալ
Քաղաքականություն
10.11.2021 | 22:26
Աֆղանստանի հարցերով ՌԴ նախագահի հատուկ ներկայացուցիչ, ԱԳՆ երկրորդ դեպարտամենտի տնօրեն Զամիր Քաբուլովն ու իր ամերիկացի գործընկեր Թոմաս Ուեսթը նոյեմբերի 15 Մոսկվայում աֆղանական խնդրի շուրջ մոտեցումներն են քննարկելու։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Այո՛, կարող եմ հաստատել. նոյեմբերի 15-ին նախատեսված է Աֆղանստանի հարցերով ԱՄՆ հատուկ ներկայացուցիչ Թոմաս Ուեսթի հանդիպումը ՌԴ նախագահի՝ նույն հարցով ներկայացուցչի հետ։ Խորհրդակցությունների ընթացքում նախատեսվում է քննարկել Աֆղանստանում ներկա իրավիճակը, իրականացնել մոտեցումների փոխանակում աֆղանական օրակարգի հիմնական հարցերի շուրջ»,-ասել է Զախարովան։
Ավելի վաղ Ուեսթը լրագրողների հետ հեռախոսային ճեպազրույցի ընթացքում հայտնել էր, որ ԱՄՆ-ին անհրաժեշտ է համագործակցել ՌԴ-ի, Իրանի, Չինաստանի և այլ երկրների հետ՝ Աֆղանստանում իրավիճակի կայունացման համար։
Էմմա Չոբանյան
