24.04.2026 | 09:35
Փաշինյանն ու բարձրաստիճան այլ պաշտոնյաներ հարգանքի տուրք մատուցեցին Հայոց ցեղասպանության զոհերի հիշատակին․ ՏԵՍԱՆՅՈՒԹ
Չելյաբինսկում կորոնավիրուսից մահացել է բժիշկը, որը դեմ է եղել պատվաստումներին
Քաղաքականություն
10.11.2021 | 22:04
Չելյաբինսկում մահացել է հոմեոպաթ բժիշկ Յուրի Պոպովը, որը դեմ էր պատվաստումներին։ Նրա գործընկերների խոսքով՝ մահվան պատճառը եղել է կորոնավիրուսային վարակը, հաղորդում է topspb.tv-ն։
Յուրի Պոպովը եղել է «Բժիշկ Պոպովի հոմեոպաթիկ կլինիկայի» հիմնադիրն ու գլխավոր բժիշկը։
«Հիմա շատերը հարցնում են, թե ինչպե՞ս եղավ, ինչո՞ւ նա չկարողացավ փրկել ինքն իրեն։ Յուրի Պոպովը իսկական հոմեոպաթ և հետազոտող էր ու ցանկանում էր հաղթել այս անհայտ հիվանդությանը, բայց ինքդ քեզ բուժելը միշտ ավելի դժվար է»,- ասել է հաստատության աշխատակից Նատալյա Շչեկոլդինան:
Պոպովը չէր ընդունում բժշկության գիտական մոտեցումը։ Չելյաբինսկում նա հայտնի էր իր տեսաուղերձներով, որոնցում քննադատում էր պատվաստումները։ Այս տարվա ապրիլին հոմեոպաթ բժիշկը հայտարարել էր, որ ցանկացած պատվաստում լուրջ բժշկական մանիպուլյացիա է և ներխուժում օրգանիզմի իմունային համակարգ։
Տաթև Ֆռանգյան
