11.10.2026 | 13:23
Հոկտեմբերի 13-16-ին Հայաստանի առանձին շրջաններում անձրև կտեղա
Թուրքիայում տնտեսական ճգնաժամի հետևանքները․ 76 ինքնասպանություն՝ 10 ամսում
Քաղաքականություն
10.11.2021 | 23:10
Թուրքիայում անցած 10 ամիսների ընթացքում տնտեսական ճգնաժամի պատճառով ավելի քան 70 ինքնասպանության դեպք է գրանցվել։ Այս մասին ասվում է քրդական Ժողովուրդների դեմոկրատական կուսակցության պատրաստած զեկույցում, փոխանցում է Duvar-ը։
Աշխատանքի և սոցիալական հարցերի նախարարության հաշվետվության համաձայն՝ հունվարի 1-ից հոկտեմբերի 30-ն ընկած ժամանակահատվածում 104 մարդ փորձել է ինքնասպան լինել տնտեսական ճգնաժամի հետևանքով սոցիալական խնդիրների պատճառով, նրանցից 76-ը մահացել է։
Թուրքիայում գործազրկությունն ու աղքատությունն աճել են, այդ թվում՝ լիրայի արժեզրկման պատճառով։ 514 էջանոց զեկույցը ներառում է տվյալներ երկրում աշխատողների իրավունքների խախտման, աշխատանքի հետ կապված դժվարությունների, սպանությունների հետ։ Այն նաև տեղեկություններ է պարունակում գործադուլների մեջ ներգրավված աշխատողների, ինչպես նաև արհմիությունների պատճառով աշխատանքից ազատված աշխատողների պահանջների վերաբերյալ:
Զեկույցում ներկայացված տվյալների համաձայն, մասնավորապես, վերջին 10 ամիսների ընթացքում աշխատողները փորձել են 60 անգամ գործադուլ կազմակերպել, որից 18-ն է տեղի ունեցել։ Միևնույն ժամանակ, անվտանգության ուժերը կանխել են ամենաքիչը 99 մամուլի հաղորդագրության տարածում կամ բողոքի ցույցեր ու ձերբակալել 1460 աշխատակցի։
Ընդհանուր առմամբ, 1847 մարդ է մահացել աշխատանքի հետ կապված պատճառներով, իսկ 1436 աշխատակից էլ վնասվածքներ է ստացել աշխատանքային միջավայրում անփութության պատճառով։
Էմմա Չոբանյան
