28.11.2024 | 23:27
Վրաստանում ցուցարարները շարժվում են դեպի խորհրդարան
Amnesty International-ը դատապարտել է Լեհաստանի և Բելառուսի սահմանին փախստականների իրավունքների ոտնահարումը
Քաղաքականություն
10.11.2021 | 21:12
Amnesty International (AI) միջազգային իրավապաշտպան կազմակերպության գերմանական մասնաճյուղը դատապարտել է Լեհաստանի և Բելառուսի սահմանին փախստականների իրավունքների ոտնահարումը։ Այս մասին գրում է DW-ի ռուսական ծառայությունը։
«Լեհ-բելառուսական սահմանին բռնության պարույրը պետք է անհապաղ կտրել։ Լեհաստանը պետք է անհապաղ ապահովի այնպիսի միջազգային կազմակերպությունների, ինչպիսիք են ՄԱԿ-ի Փախստականների գործակալության, Միգրացիայի միջազգային կազմակերպության (ՄՄԿ) կամ Բժիշկներ առանց սահմանների կազմակերպությունների հասանելիությունը՝ մարդկանց մարդասիրական և բժշկական օգնություն ցուցաբերելու համար»,- ասված է Amnesty International-ի գերմանական բաժանմունքի գլխավոր քարտուղար Յուլիա Դուխրոյի հայտարարության մեջ։
Իրավապաշտպանները նշել են, որ սահմանային գոտում հայտնված մարդկանց մեծ մասն այնպիսի ճգնաժամային շրջաններից են, ինչպիսիք են Սիրիան, Աֆղանստանը կամ Իրաքը։
«Նրանք, ովքեր միջազգային պաշտպանության կարիք ունեն, այժմ պետք է կարողանան դիմել դրա համար: ԵՄ արտաքին սահմաններում ապաստանի ընթացակարգի հասանելիությունը չպետք է դառնա աշխարհաքաղաքական շահերի խաղալիք»,- ասված է հայտարարության մեջ:
Միևնույն ժամանակ, AI-ը Մինսկի իշխանություններին կոչ է արել փախստականներին չօգտագործել սեփական քաղաքական շահերի համար՝ լուրջ վտանգի տակ դնելով նրանց իրավունքները։
Տաթև Ֆռանգյան
