21.10.2026 | 16:11
Ռուսական երկաթուղիների ներկայացուցիչների հետ 3 ամսում լուծումներ գտնելու պայմանավորվածություն կա․ ՏԵՍԱՆՅՈՒԹ
Չկա Արցախի խնդիր, Ադրբեջանը հավակնում է Հայաստանին. քաղաքագետ. ՏԵՍԱՆՅՈՒԹ
Քաղաքականություն
02.04.2018 | 18:27
«Պատերազմը երբևէ չի էլ ավարտվել, ապրիլին տեղի ունեցածն ընդամենը պատերազմական գործողությունների բավական ակտիվ փուլ էր, որի ընթացքում ադրբեջանցիները ստուգեցին թե՛ իրենց, թե՛ հայերին»,- Factor.am-ի հետ զրույցում ասաց քաղաքագետ Հայկ Մարտիրոսյանն՝ անդրադառնալով Ղարաբաղյան հիմնախնդրին և ապրիլից հետո պատերազմական գործողությունների վերսկսման հնարավորությանը։
Ըստ քաղաքագետի՝ 2016 թվականի ապրիլից հետո Ադրբեջանը ձեռք բերեց ինքնավստահություն և այդ մասին են վկայում այդ երկրի նախագահի հայտարարությունները։
«Հայերն անընդհատ անհանգստացած են, որ հիմա կլինի ինչ-որ սրացում և գիտակցում չկա, որ Հայաստանը պերմանենտ պատերազմի մեջ է և պերմանենտ պատերազմի մեջ է լինելու: Անընդհատ վախենում են և փորձում են ամեն գնով խաղաղություն ապահովել: Պետք է հասկանալ, որ դա հնարավոր չէ»,- շեշտեց քաղաքագետը՝ նկատելով, որ Ալիևի հայտարարություններին չպետք է անլուրջ վերաբերվել:
Քաղաքագետի պնդմամբ՝ ամեն օր կա պատերազմի վտանգ, ուստի Հայաստանը պետք է պատրաստ լինի:
«Անխուսափելի է այդ ռազմական բախումը, իրենք խնդիր ունեն լուծելու Հայաստանի հարցը: Չկա այլևս Արցախի խնդիր, դրա համար բանակցությունները դարձել են անհեթեթ, մարդը հայտարարում է՝ հավակնում է Երևանին և դա դատարկ հայտարարություն չէ: Իրենք իրոք հավակնում են Երևանին, Հայաստանին»,- հավելեց Հայկ Մարտիրոսյանը:
Մանրամասները՝ տեսանյութում:
Շողիկ Գալստյան
