19.11.2024 | 20:26
Կոչ ենք անում Վրաստանին վերադառնալ եվրատլանտյան ինտեգրման ուղի․ ՆԱՏՕ-ի գլխավոր քարտուղար
Ռուս խաղաղապահները կանգնած՝ ադրբեջանցիները հայ են սպանում, ի՞նչ է անում ռուսական կողմը. Թագուհի Թովմասյան․ ՏԵՍԱՆՅՈՒԹ
Քաղաքականություն
09.11.2021 | 11:29
Քաղաքակիրթ միջազգային հանրությունը պետք է դատապարտի Ադրբեջանի գործողությունները: Առաջին հերթին դա պետք է Հայաստանն անի, որովհետև եթե Հայաստանը չի իրականացնում իր քարոզչական «ագրեսիվ» քաղաքականությունը, աշխարհը նույնպես անտարբեր է լինում։ Այս մասն այսօր՝ նոյեմբերի 9-ին, Ազգային ժողովում լրագրողների հետ զրույցում ասաց Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը։
«Մենք ինչքան խոսում ենք խաղաղությունից, այնքան ստանում ենք պատասխան ագրեսիա։ Ես չեմ հիշում, որ երբևէ մեր խաղաղության ձեռքն ադեկվատ ընդունվի Ադրբեջանի կողմից:
Մարդասիրական արժեքներից խոսող քաղաքակիրթ մարդկությունը լուռ նայում է, թե ինչպես է Ադրբեջանը հրավառությամբ նշում մարդասպանության իր տոնը։ Աշխարհը, իսկապես, մեզ մենակ է թողել մեր բոլոր ցավերի մեջ»։
Մենք պետք է պահանջատեր լինենք. ռուս խաղաղապահները կանգնած՝ հայ են սպանում ադրբեջանցիները, ինչ է անում ռուսական կողմը, ինչ է անում աշխարհը:
Մեզ համար շատ կարևոր պետք է լինի մարդու կյանքը։ Մարդու հիմնարար՝ կյանքի իրավունքը խախտվել է: Ընդ որում՝ սպանվողը եղել է քաղաքացիական անձ, շինարարությամբ է զբաղված եղել, չի արել որևէ ագրեսիվ գործողություն, որը կարող էր դրդել նման քայլի։ Ադրբեջանական ագրեսիան այսօրինակ գործողություններով փորձում է «մատաղ» անել հայերին իրենց հաղթանակին, ինչը պետք է աշխարհը դատապարտի»,- նշեց պատգամավորը։
Մանրամասները՝ տեսանյութում:
