16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Թուրքիայում դատարանը սոնցանցի օգտատիրոջը մեղավոր է ճանաչել՝ Էրդողանին «հրեա» անվանելով վիրավորելու համար
Քաղաքականություն
08.11.2021 | 23:24
Թուրքական հյուսիսարևմտյան Բուրսա նահանգի դատարանը մեղավոր է ճանաչել և 7000 լիրայի չափով տուգանել մի տղամարդու, երբ նա սոցցանցում Թուրքիայի նախագահ Ռեջեփ Թայիփ Էրդողանին անվանել է «հրեա», հայտնում են թուրքական լրատվամիջոցները։
«Թայիփը հրեա է, որն իրեն ներկայացնում է որպես մահմեդական»,- դեռ 2020 թվականին ֆեյսբուքյան իր էջում գրել էր Յուքսել Ուսթունը, ինչն էլ դրդել էր Էրդողանի փաստաբանին նրա դեմ բողոք ներկայացնել՝ նախագահին վիրավորելու համար։
Ըստ Էրդողանի փաստաբան Հուսեյն Այդընի՝ Ուսթունը «նախագահի պատիվը, արժանապատվությունն ու հեղինակությունը վիրավորող արտահայտություններ է օգտագործել»։
Գործով վերջին լսումը տեղի է ունեցել նոյեմբերի 4-ին, որի ժամանակ Ուսթունի փաստաբան Բարան Գյունեշը հայտարարել է՝ հրեաներն իրենց երկրի հարգարժան քաղաքացիներն են։
«Ինչ-որ մեկին «հրեա» կամ «գնչու» անվանելը հանցագործություն չէ»,- ասել է Գյունեշը։
Սակայն դատարանը Ուսթունին դատապարտել է 10 ամիս 20 օր ժամկետով ազատազրկման՝ նախքան այս պատժաչափը 7000 լիրա վարչական տուգանքի վերածելը։
Հավելենք, որ 2014 թվականից հազարավոր մարդիկ են դատապարտվել Էրդողանին վիրավորելու համար։
Էմմա Չոբանյան
