14.09.2026 | 17:49
Չեմ վիճարկում Ղարաբաղի՝ նախկինում հակամարտությունից տուժած շրջաններում հայկական հարուստ հետքը. Գրոնո
Ալիևի օգնականը միջազգային հանրությանը կոչ է արել՝ մոբիլիզացնել ջանքերը ՀՀ-ի հետ խաղաղության պայմանագրի կնքման ուղղությամբ
Քաղաքականություն
05.11.2021 | 14:43
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը կրկին անհիմն մեղադրանքներ է հնչեցրել Հայաստանի հասցեին։ Նա նշել է, որ Հայաստանը տարածքային պահանջներ է ներկայացնում Ադրբեջանին, որոնք անհիմն են, գրում են ադրբեջանական լրատվամիջոցները։
«Ադրբեջանի ու Հայաստանի միջև պետք է ստորագրվի խաղաղության պայմանագիր, սակայն Հայաստանի կողմից դեռևս չենք տեսնում դրական արձագանք։ Հայաստանը դեռ տարածքային պահանջներ ունի Ադրբեջանի նկատմամբ, և դա բացարձակապես անընդունելի է»,- ADA համալսարանում կազմակերպված «44-օրյա ճանապարհ դեպի հաղթանակ» համաժողովի ժամանակ հայտարարել է Հաջիևը։
Նա նշել է, որ Հայաստանը, իբր, չի ցանկանում ճանաչել միջազգային իրավունքի նորմերը։
Ինչ վերաբերում է պաշտոնական Բաքվի տեսակետին, ապա, ըստ Հաջիևի, Ադրբեջանը ցանկանում է «արդարության ու միջազգային իրավունքի վերականգնում»։ Նա նաև կոչով դիմել է միջազգային հանրությանը՝ նշելով, որ Ադրբեջանը միշտ պատրաստ է Հայաստանի հետ խաղաղության պայմանագրի շուրջ բանակցությունների։
«Մենք կարող ենք գործել համագործակցության մեխանիզմին համապատասխան։ Երկու երկրների հարաբերությունները պետք է վերականգնվեն։ Եթե Երկրորդ համաշխարհային պատերազմից հետո Ֆրանսիայի ու Գերմանիայի միջև ստորագրվել է այդպիսի խաղաղության պայմանագիր, ինչո՞ւ այն չպետք է կնքվի Ադրբեջանի ու Հայաստանի միջև։ Մենք կոչ ենք միջազգային հանրությանը՝ մոբիլիզացնել ջանքներն այդ ուղղությամբ»,- ասել է Ադրբեջանի նախագահի օգնականը։
Էմմա Չոբանյան
