11.10.2026 | 18:01
Տիգրան Բարսեղյանը` գոլի հեղինակ. ՏԵՍԱՆՅՈՒԹ
ԱՄՆ հետախուզության հազարավոր աշխատակիցներ կարող են ազատվել աշխատանքից՝ COVID-19-ի դեմ չպատվաստվելու համար․ Associated Press
Քաղաքականություն
05.11.2021 | 15:41
ԱՄՆ հետախուզական ծառայությունների հազարավոր աշխատակիցներ շուտով կարող են աշխատանքից ազատվել՝ 100 և ավելի աշխատակից ունեցող ընկներությունների և հաստատությունների աշխատակիցների պարտադիր պատվաստման մասին ԱՄՆ կառավարության որոշումը չկատարելու համար, գրում է Associated Press-ը։
Ներկայացուցիչների պալատի հետախուզության հանձնաժողովի անդամ Քրիս Ստյուարտի խոսքով՝ հոկտեմբերի վերջին մի քանի հետախուզական գործակալություններում աշխատակիցների առնվազն 20%-ը չի պատվաստվել, իսկ հետախուզական համայնքի որոշ կառույցներում՝ մինչև 40%-ը։
Նա հրաժարվել է նշել ստորաբաժանումների անունները, քանի որ պատվաստումների վերաբերյալ ամբողջական տեղեկատվությունը գաղտնի է:
ԱՄՆ կոնգրեսականներն ու սենատորները մտահոգություն են հայտնել ազգային անվտանգության համար կարևոր հիմնարկներից աշխատողների կրճատման կապակցությամբ: Այսպես, ԱՄՆ Հանրապետական կուսակցության ազգային կոմիտեն հայտարարել է, որ հայց է ներկայացնելու՝ վարչակազմի որոշումը վիճարկելու համար։
Սպիտակ տունը հինգշաբթի հայտարարել էր, որ 100 և ավելի աշխատակից ունեցող ամերիկյան ընկերությունները պարտավոր են մինչև 2022 թվականի հունվարի 4-ը պատվաստել իրենց բոլոր աշխատակիցներին կորոնավիրուսի դեմ, այնուհետ ամեն շաբաթ COVID-19-ի թեստավորում անցկացնել չպատվաստված աշխատողների շրջանում:
Տաթև Ֆռանգյան
