14.09.2026 | 14:48
Անկարան հայտնել է, որ Թուրքիայից Հայաստան արտահանումը հունվար-օգոստոսին կազմել է 1 մլն 336 հազար դոլար
Իրանը մինչ այժմ արտադրել է 25 կգ 60% հարստացված և 210 կգ 20% հարստացված ուրան
Քաղաքականություն
05.11.2021 | 14:37
Իրանի ատոմային էներգիայի կազմակերպության (AEOI) խոսնակ Բեհրուզ Քամալվանդին հայտնել է, որ 20 տոկոս հարստացված ուրանի պաշարները գերազանցել են 210 կգ-ը, գրում է Tasnim գործակալությունը։
Քամալվանդիի խոսքով՝ Իրանի խորհրդարանի «Ռազմավարական գործողությունը»՝ ուղղված պատժամիջոցների չեղարկմանը և ազգային շահերի պաշտպանությանը, թույլ է տվել AEOI-ին ուժեղացնել իր խաղաղ միջուկային գործունեությունը:
Համաձայն օրենքի՝ AEOI-ից պահանջվում էր տարեկան արտադրել առնվազն 120 կիլոգրամ 20 տոկոս հարստացված ուրան, մինչդեռ երկրի պաշարներն այժմ գերազանցել են 210 կգ-ը, հավելել է նա։
Քամալվանդին նաև նշել է, որ Իրանը մինչ այժմ արտադրել է 25 կգ 60 տոկոս հարստացված ուրան՝ պարզաբանելով, որ Իրանն այն սակավաթիվ երկրներից է, որը կարողանում է այն արտադրել։ Կազմակերպության խոսնակն ասել է, որ կողմնակի անձինք խոստովանել են, որ չեն կարողանում Իրանին զրկել 20 տոկոս հարստացված ուրանից:
Տաթև Ֆռանգյան
