ԵՄ վիզաների ազատականացման երկխոսության մեկնարկի համար Հայաստանը «տնային աշխատանք» ունի անելու. ՏԵՍԱՆՅՈՒԹ

Լուրեր

17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
17.11.2026 | 16:40
Մուսաևը 6 անգամ կրակել է Անի Ավետիսյանի ուղղությամբ, ապա գցել մահճակալին և հարվածներ հասցրել. հրապարակվել է Շաքի ներխուժած ադրբեջանցու մեղադրական եզրակացությունը
17.11.2026 | 16:36
ԱԺ-ում հայտարարությունների ժամ է․ ՈՒՂԻՂ
17.11.2026 | 16:23
Սերբիայում ռազմական ինքնաթիռ է կործանվել․ օդաչուն զոհվել է
17.11.2026 | 16:14
«Աննախադեպ գործողություն»․ Զելենսկին մանրամասներ է հայտնել Ղրիմի կամրջին հարվածի գործողությունից
17.11.2026 | 16:13
Գևորգ Ղազարյանը խզել է պայմանագիրն «Արարատ-Արմենիայի» հետ
17.11.2026 | 16:06
Արամ Վարդևանյանն ու Հնդկաստանի դեսպանը քննարկել են սահմանադրական բարեփոխումների սահմանափակումների վերաբերյալ Հնդկաստանի փորձը
17.11.2026 | 15:54
Ֆրանսիան պատրաստվում է նոր բողոքի ցույցերի` մինչ արհմիությունները համազգային գործադուլի կոչ են արել
17.11.2026 | 15:43
2026-ին ՔԿՀ-ներում մահվան 4 դեպք է արձանագրվել․ ՀԿ-ները մտահոգություն են հայտնում
17.11.2026 | 15:34
Բնական է, 10 բալանոց խցանումը նյարդայնացնում է ոչ միայն տիկին Հակոբյանին, այլև բոլորիս. Ավինյան․ ՏԵՍԱՆՅՈՒԹ
17.11.2026 | 15:26
Պրահայում երկու ուղևորատար գնացքների բախման հետևանքով 46 մարդ է տուժել․ ՏԵՍԱՆՅՈՒԹ
Բոլորը

ԵՄ-ն ընթացիկ տարվա ընթացքում հստակ քայլեր է ձեռնարկել՝ ակտիվացնելու քաղաքական  երկխոսությունը տարածաշրջանի բոլոր երեք երկրների հետ: Այս մասին հայտնեց ՀՀ արտաքին գործերի նախարարի տեղակալ Վահե Գևորգյանը՝ ԱԺ եվրոպական ինտեգրման եւ ֆինանսավարկային ու բյուջետային հարցերի մշտական հանձնաժողովների համատեղ նիստում 2022-ի պետբյուջեի նախագծի քննարկման ժամանակ:

Նա հիշեցրեց, որ 2021-ի սկզբին ավարտվել է Համապարփակ և ընդլայնված  գործընկերության համաձայնագրի վավերացման գործընթացը: Համաձայնագրի վավերացման գործընթացի ավարտը և 2021-ի մարտի 1-ից դրա ուժի մեջ մտնելը Գևորգյանը համարեց կարևոր իրադարձություն՝ ՀՀ-ԵՄ հարաբերությունների խորացման համար:

Անդրադառնալով վերջին տարվա ընթացքում Հայաստանի և ԵՄ-ի հարաբերություններում ամենակարևոր արձանագրմանը՝ նա նշեց. «ԵՄ-ի մոտ խիստ ընդգծվում է ներկայումս տարածաշրջանային մոտեցումն ընդհանուր Հարավային Կովկասի հանդեպ: Այս տեսակետից ԵՄ-ն հստակ քայլեր ձեռնարկեց՝ ընթացիկ տարվա ընթացքում ակտիվացնելու քաղաքական երկխոսությունը տարածաշրջանի բոլոր երեք երկրների հետ»,- ասաց փոխնախարարը:

Նա այդ համատեքստում ընդգծեց մի քանի կարևոր այցեր, որոնց ընթացքում տեղի են ունեցել կարևոր հայտարարություններ: Նա նշեց Եվրոպական խորհրդի նախագահ Շառլ Միշելի այցի մասին: Անդրադառնալով ԵՄ-ի կողմից Հայաստանին հատկացվելիք 2.6 մլրդ եվրո աջակցությանը՝ նա ասաց. «Այս պահի դրությամբ այդ աջակցության առաջարկը կարելի է դիտարկել նախ և առաջ որպես ԵՄ մտադրությունների արտահայտություն կամ խոստում: ԵՄ մեր գործընկերների մոտ նաև անդրադարձներ կան, որ այս աջակցությունը նաև ունի տարածաշրջանային նշանակություն»:

Որպես քաղաքական երկխոսության դաշտում տեղի ունեցած մյուս կարևոր իրադարձություն՝ փոխնախարարը նշեց հունիսի 24-26-ը Արտաքին գործերի և անվտանգության քաղաքականության հարցերով ԵՄ բարձր ներկայացուցիչ Ժոզեպ Բորելի նախաձեռնությամբ և լիազորությամբ տարածաշրջանային այցերի մասին, որոնք կատարել են Լիտվայի, Ավստրիայի և Ռումինիայի ԱԳ նախարարները: «Այցի հիմնական նպատակներից էր վերահաստատել տարածաշրջանում ԵՄ ներգրավվածության և Հարավային Կովկասի տարածաշրջանում դիմակայունության,  վստահության կառուցման միջոցառումների ամրապնդմանը նպաստելու պատրաստակամությունը»,- ասաց Գևորգյանը:

Փոխնախարարը վստահեցրեց, որ ՀՀ արտաքին գործերի նախարարությունը թիրախավորված աշխատանքներ է տանում՝ ՀՀ-ԵՄ մուտքի արտոնագրերի ազատականացման շուրջ երկխոսության մեկնարկի հարցով:

Նրա խոսքով՝ ԵՄ-ի հետ Հայաստանի տարբեր գերատեսչությունների համագործակցությունը կրում է շարունակական բնույթ:

Անդրադառնալով Հայաստանի և ԵՄ-ի մուտքի արտոնագրերի ազատականացման շուրջ երկխոսության մեկնարկի հարցին՝ նա վստահեցրեց. «Այս հարցով ԱԳՆ կողմից տարվում են թիրախավորված աշխատանքներ և ԵՄ կառույցների, և ԵՄ անդամ երկրների հետ: Իհարկե, կորոնավիրուսը չի նպաստում այդ մեկնարկի պայմանավորվածությունների վերջնականացմանը: Կարծում եմ, մենք նույնպես որոշակի «տնային աշխատանք» ունենք այս հարցում՝ առավելագույնս շուտ ժամկետներով մեկնարկը ապահովելու համար»:

Մանրամասները՝ տեսանյութում: